ఎనిమిది మంది ఐఎఫ్‌ఎస్‌ ఆఫీసర్ల బదిలీ
పలువురు ఉన్నతాధికారులకు స్థాన చలనం
ఎనిమిది మంది ఐఎఫ్‌ఎస్‌ ఆఫీసర్లను బదిలీ చేస్తూ ప్రభుత్వం సోమవారం సాయంత్రం ఉత్తర్వులు జారీ చేసింది. పీసీసీఎఫ్‌ ఆఫీస్‌ లో పని చేస్తున్న ప్రియాంక వర్గీస్‌ ను చార్మినార్‌ సర్కిల్‌ చీఫ్‌ కన్జర్వేటర్‌ ఆఫ్‌ ఫారెస్ట్స్‌ గా బదిలీ చేసింది. హైదరాబాద్‌ లో డిప్యూటీ కన్జర్వేటర్‌ గా పని చేస్తున్న శివల రామ్‌బాబును జోగులాండ డిస్ట్రిక్ట్‌ ఫారెస్ట్‌ ఆఫీసర్‌ గా నియమించారు. నెహ్రూ జూ పార్క్‌ క్యురేటర్‌ సునీల్‌ ఎస్‌. హెరిమత్‌ ను జూపార్క్‌ డైరెక్టర్‌ గా బదిలీ చేశారు. ములుగు డిప్యూటీ కన్జర్వేటర్‌ శ్రీనివాస రావును సిద్దిపేట డీఎఫ్‌వోగా బదిలీ చేశారు. హెచ్‌ఎండీఏ అర్బన్‌ ఫారెస్ట్రీ డైరెక్టర్‌ ప్రదీప్‌ కుమార్‌ ను డిప్యూటీ కన్జర్వేటర్‌ ఎస్‌టీసీ సర్కిల్‌ గా నియమించారు. ఆయన స్థానంలో కె. శ్రీనివాస్‌ కు పోస్టింగ్‌ ఇచ్చారు. జయశంకర్‌ భూపాలపల్లి డీఎఫ్‌వో వసంతను నెహ్రూ జూపార్క్‌ క్యురేటర్‌ గా బదిలీ చేశారు. జోగులాంబ గద్వాల డీఎఫ్‌వో మందాడి నవీన్‌ రెడ్డిని జయశంకర్‌ భూపాలపల్లి జిల్లా డీఎఫ్‌వోగా ట్రాన్స్‌ఫర్‌ చేశారు.