తెలంగాణలో హామీలు అమలు చేయకుండా మహారాష్ట్రలో అబద్ధాలు

తెలంగాణ డబ్బును రేవంత్ రెడ్డి ఇతర రాష్ట్రాలకు పంపుతున్నాడని, మంత్రులు పాలన గాలికి వదిలి ..గాలి మోటర్లులో తిరుగుతున్నారని మాజీ మంత్రి హరీశ్‌రావు ఆరోపించారు. తెలంగాణ భవన్ లో హరీశ్‌రావు మీడియాతో మాట్లాడుతూ.. నిజాలు చెప్పటానికి వెళ్ళి.. మహారాష్ట్రలో సీఎం రేవంత్ రెడ్డి అబద్దాలు చెప్పి వచ్చారని ధ్వజమెత్తారు. రుణమాఫీపై మహారాష్ట్రలో సీఎం చెప్పినవన్నీ అబద్దాలే అని ఆగ్రహం వ్యక్తం చేశారు. 40 లక్షల మందికి రుణమాఫీ చేశామని రేవంత్ అబద్దాలు చెప్పారు.ఇంకా 22లక్షల మందికి రుణమాఫీ జరగాల్సి ఉన్నదని, పూర్తి రుణమాఫీ చేసి తీరాల్సిందే డిమాండ్‌ చేశారు. రేవంత్ రెడ్డి రుణమాఫీ బోగస్, రైతుబంధు బోగస్, వరికి బోనస్ బోగస్ అని, కాంగ్రెస్ ఆరు గ్యారంటీలు.. గ్యారేజ్ కు పోయాయి ఎద్దేవా చేశారు. రోడ్ల మీదున్న వడ్ల కుప్పలే.. రేవంత్ రెడ్డి అసమర్థ పాలనకు నిదర్శనమన్నారు. 2లక్షల ఉద్యోగాలు కల్పనపై మహారాష్ట్రలో పచ్చి అబద్దాలు చెప్పారని, విద్యార్థుల వీపులు పగలకొట్టించిన చరిత్ర కాంగ్రెస్ సర్కార్‌ ది అన్నారు.

రేవంత్ అబద్ధాల ప్రవాహాన్ని మహారాష్ట్రలో కొనసాగించారు .తెలంగాణలో మోసం చేసినట్లు మహారాష్ట్ర ప్రజల్ని మభ్యపెట్టే ప్రయత్నం చేస్తున్నారని మండిపడ్డారు. ఆరు గ్యారెంటీలు అమలు చేస్తామని ఎన్నికల్లో హామీ ఇచ్చారు .ఆరు గ్యారెంటీలు అమలయ్యాయో లేదో చెప్పాలని ప్రశ్నించారు. ఏడాది పాలన పూర్తి అవుతున్నా ఆరు గ్యారెంటీలు అమలు చేయలేదు.100 రోజుల్లో ఆరు గ్యారెంటీలు అమలు చేస్తామని హమీ ఇచ్చారు.ఆరు గ్యారెంటీలు అమలు చేస్తామని బాండ్ పేపర్ ఇచ్చారు.ఏ హామీలు అమలు చేశారో బహిరంగ చర్చకు సిద్ధమని సవాల్‌ విసిరారు. అభయహస్తంలో మొదటి హామీ మహిళకు రూ. 2500 దిక్కులేదు.మొదటి హామీకి దిక్కేలేదు.. మహారాష్ట్రలో కోతలు కోస్తున్నారు.మహిళలకు రూ.2500 అమలు చేశావా?ఒక్కో మహిళకు రూ. 27500 ప్రభుత్వం బాకీ ఉందన్నారు. మొదటి సంతకం ఏకకాలంలో రుణమాఫీ అన్నారు.రుణమాఫీపై మాట తప్పామని మహారాష్ట్ర ప్రజలకు చెప్పాలి. 2023  డిసెంబర్ 9న  రుణమాఫీ చేస్తామని మాట తప్పామని మహారాష్ట్ర ప్రజలకు చెప్పాలి.42 లక్షల మందికి రూ.31 వేల కోట్ల చేస్తామని.. రూ.17వేల కోట్లు మాత్రమే రుణమాఫీ చేశారు. రుణమాఫీ చేశామని ట్విట్టర్లో ప్రచారం చేసుకుంటూ కాంగ్రెస్ పార్టీ మోసం చేసే ప్రయత్నం చేస్తోంది. 40 లక్షలు రుణమాఫీ చేశామని కాంగ్రెస్ పార్టీ ట్విట్టర్ లో పెట్టి మహారాష్ట్ర ఎన్నికల్లో ప్రచారం చేసుకుంటున్నది. రుణమాఫీ 7 నెలలు ఆలస్యం చేసి రైతులపై వడ్డీల భారం మోపింది కాంగ్రెస్ పార్టీ. బ్యాంకులు ముక్కుపిండి రైతుల నుంచి వడ్డీలు వసూలు చేశాయి.ప్రభుత్వం ఆలస్యం చేయటంతో రైతులపై వడ్డీ భారం పడింది. రేవంత్ రెడ్డి మహారాష్ట్ర ప్రజలకు అబద్ధాలు కాదు తెలంగాణలో ప్రజలను కాంగ్రెస్ పార్టీ మోసం చేసిందని నిజాన్ని చెప్పాలన్నారు. రైతు భరోసా ఎకరానికి రూ.15 వేలు ఇస్తామన్నారు. రైతు భరోసా వరికిచ్చారో చెప్పగలరా? రైతు కూలీలకు రూ.12 వేలు ఇస్తామని ఇచ్చారా? అని నిలదీశారు. వరి పంటకు మద్దతు ధరతో పాటు రూ. 500 బోనస్ ఇచ్చారో లేదో చెప్పాలి. ఉన్న వడ్లను ప్రభుత్వం కొనకపోవడం తో రైతులు తక్కువ రేటుకు దళారులకు అమ్ముకునే పరిస్థితి తెచ్చింది కాంగ్రెస్ ప్రభుత్వం. రాష్ట్రంలో ఎక్కడైనా బోనస్ వస్తుందా రేవంత్ చెప్పాలి.ఇండ్లు కూలగొట్టావు కానీ ఒక్క ఇళ్లు కట్టావా? అని ప్రశ్నించారు.

11 నెలల్లో ఒక్క ఇళ్లు కూడా కట్టలేదని మహారాష్ట్రలో చెప్పి ఉంటే నిజం ఒప్పుకోవాలి. ఒక్క ఇళ్లు కట్టలేదు కానీ.. వందల ఇండ్లు కూలగొట్టానని చెప్పాల్సి ఉండే. ఒక్కరికైనా 5 లక్షల భరోసా కార్డు ఇచ్చావా రేవంత్.?ఫీజు రియింబర్స్ మెంట్ బంద్ పెట్టిన ఘనత రేవంత్ ది.నేడు విద్యార్థులను, నిరుద్యోగులను రోడ్డు మీదికి తెచ్చావ్.రూ.4000 ఫించన్ ఇస్తానని వృద్ధులను మోసం చేశారు.ఒక్కొక్కరికి రూ. 26 వేల పెన్షన్ కాంగ్రెస్ పార్టీ బాకీ పడింది.41 లక్షల మంది పెన్షన్ దారులకు ప్రభుత్వ బాకీ పడింది. ఇవన్ని అమలు చేయలేదని రేవంత్ చెబితే బాగుండేది.10 నెలల్లో 50 వేల ఉద్యోగాలు ఇచ్చామని రేవంత్ పచ్చి అబద్ధాలు చెప్తున్నారు. ఏడాదిలో 2 లక్షల ఉద్యోగాలు ఇస్తామని మాట తప్పి, కెసిఆర్ ఇచ్చిన ఉద్యోగాలను తాను ఇచ్చినట్టు మహారాష్ట్రలో చెప్పుకోవడం సిగ్గుచేటు. 2 లక్షల ఉద్యోగాలు ఇస్తానని చెప్పా మోసం చేశానని మహారాష్ట్ర ప్రజలకు నిజం చెప్పాలి. నోటిఫికేషన్ ఇచ్చింది లేదు.. ఎగ్జామ్ పెట్టింది లేదు మరి ఎలా 50,000 ఉద్యోగాలు ఇచ్చారో చెప్పాలి. అశోక్ నగర్ లైబ్రరీలో నిరుద్యోగులపై లాఠీచార్జ్ చేయించిన ఘనత రేవంత్ రెడ్డి. అర్థరాత్రి ఆడపిల్లల్ని అరెస్ట్ చేయించిన చరిత్ర కాంగ్రెస్ పార్టీది.ఉద్యోగాల భర్తీలో వైఫల్యంపై మహారాష్ట్రలో ఎందుకు చెప్పలేదు. జీవో 29 పేరుతో ఎస్సీ, ఎస్టీ, బీసీ లకు అన్యాయం చేశారు.

ప్రశ్నించిన నిరుద్యోగులపై పోలీసులతో అణిచివేసే ప్రయత్నం చేశారు.రాష్ట్రంలో ఎక్కడ కూడా వడ్లు కొనే పరిస్థితి లేదు. మద్దతు ధరకు వడ్లు కొనకపోవటంతో రైతుల తీవ్రంగా నష్టపోతున్నారు.రూ.1900లకే వడ్లు అమ్ముకునే పరిస్థితి ఏర్పడింది.అన్ని వడ్లకు ఎంఎస్పీ, బోనస్ ఇస్తున్నానని ప్రకటించావు.రేవంత్ రెడ్డి అసమర్థత పాలనకు రోడ్ల మీద ఉన్న వరి కుప్పలే సాక్ష్యం.బోనస్ ఇచ్చానని బోగస్ మాటలు మాట్లాడావు. అన్ని వర్గాలను మోసం చేసిన వ్యక్తి రేవంత్ రెడ్డి. నిరుద్యోగత యువతకు ఇస్తానన్న రూ. 4 వేల భృతి ఏమైంది? అని ప్రశ్నించారు. మహారాష్ట్రలో యువతను మోసం చేసే ప్రయత్నం చేశారు.

ఎన్నికల హామీలను ఎగవేయటమే కాంగ్రెస్ నైజంగా మారింది. ఎన్నికల ముందు గ్యారెంటీ.. గెలిచాకా గ్యారేజీకి గ్యారెంటీలు.ఎన్నికల ముందు ఓట్ల కోసం గ్యారెంటీల వల.గెలిచాకా కాంగ్రెస్ పార్టీ చేతిలో ఓటర్లు విలవిల. పోలీసు కానిస్టేబుల్స్ రోడ్ల మీదికి వచ్చే పరిస్థితి వచ్చింది.హాస్టళ్లలో విద్యార్థులు ఆసుపత్రుల పాలవుతున్నారు.సోనియమ్మ మాట.. రాహుల్ గాంధీ మాట అంటూ హామీలిచ్చారు. ఇప్పుడా గాంధీలు ఎక్కడికి పోయారో తెలియదు. కాంగ్రెస్ చెప్పేదానికి.. చేసేదానికి పొంతనలేదు.మహిళలకు లక్ష కోట్ల వడ్డీ లేని రుణాలు ఇచ్చామని అబద్ధాలు చెప్పారు. వడ్డీ లేని రుణాలకు సంబంధించి ఇప్పటివరకు జీవో ఇవ్వలేదన్నారు. వడ్డీ లేని రుణం రూ. 5 లక్షల వరకే ఉంది.ప్రతీ అప్పుకు వడ్డీ లేని రుణం వర్తిస్తుందో చెప్పాలని డిమాండ్‌ చేశారు. 24 గంటల ఉచిత కరెంట్ ఇస్తున్నామని చెప్పడం పచ్చి అబద్ధమన్నారు .రైతుల ఉచిత నాణ్యమైన 24 గంటల కరెంట్ ఇచ్చింది కేసీఆర్.ఇది కూడా కాంగ్రెస్ ఖాతాలో వేసుకునే ప్రయత్నం చేస్తున్నారు. రేవంత్ నోరు విప్పితే అన్ని అబద్ధాలే. మహారాష్ట్ర ప్రజల్ని రేవంత్ రెడ్డి తప్పుదోవ పట్టిస్తున్నారు. తాము మహారాష్ట్రలో ఏ పార్టీకి అనుకూలంగా.. వ్యతిరేకంగా ప్రచారం చేయమని..కాంగ్రెస్ ఆరు గ్యారంటీలపై వాస్తవాలు చెప్పటం మా బాధ్యత అన్నారు.