Oppo F27 Pro+ 5G | ఒక్టాకోర్ మీడియాటెక్ 7050 ప్రాసెస‌ర్‌తో ఒప్పో ఎఫ్‌27ప్రో+ 5జీ ఫోన్ ఆవిష్క‌ర‌ణ‌.. ఇవీ ఫోన్ స్పెషాలిటీస్‌..!

Oppo F27 Pro+ 5G | ప్ర‌ముఖ స్మార్ట్‌ఫోన్ల త‌యారీ సంస్థ ఒప్పో (OPPO) త‌న ఒప్పో ఎఫ్‌27 ప్రో + 5జీ (OPPO F27 Pro+ 5G) ఫోన్‌ను భార‌త్ మార్కెట్‌లో ఆవిష్క‌రించింది. ఈ ఫోన్ ఒక్టాకోర్ మీడియాటెక్ 7050 ఎస్వోసీ (octa-core MediaTek 7050 SoC) ప్రాసెస‌ర్‌తో ప‌ని చేస్తుంది. 8 జీబీ ర్యామ్ విత్ 256 GB స్టోరేజీ వేరియంట్‌గా వ‌స్తోంది. 64- మెగా పిక్సెల్ మెయిన్ కెమెరా సెన్స‌ర్‌, 5,000 ఎంఏహెచ్ కెపాసిటీ గ‌ల బ్యాట‌రీ, 120హెర్ట్జ్‌రీఫ్రెష్ రేటుతోపాటు 6.7-అంగుళాల అమోలెడ్ డిస్‌ప్లే క‌లిగి ఉంటుంది. ఎక్కువ సేపు స్మార్ట్ ఫోన్ వాడే వారికి, ప్ర‌త్యేకించి వ‌ర్షాకాలం సీజ‌న్‌లో ఉప‌యోగ‌క‌రంగా ఉంటుందీ ఫోన్‌.

ఒప్పో ఎఫ్‌27 ప్రో+ 5జీ (OPPO F27 Pro+ 5G) ఫోన్.. 2400 x 1080 పిక్సెల్స్ రిజొల్యూష‌న్‌తోపాటు 6.7-అంగుళాల 3డీ క‌ర్వ్డ్ అమోలెడ్ డిస్‌ప్లే, 950 నిట్స్ పీక్ బ్రైట్‌నెస్ క‌లిగి ఉంటుంది. 2.6 గిగా హెర్ట్జ్ ఒక్టాకోర్ సీపీయూ (2.6 GHz octa-core CPU)తో మీడియాటెక్ 7050 చిప్‌సెట్‌తో వ‌స్తోంది. 67వాట్ల సూప‌ర్ వూక్ ఫ్లాష్ చార్జ్ టెక్నాల‌జీ మ‌ద్ద‌తుతో 5000 ఎంఏహెచ్ కెపాసిటీ గ‌ల బ్యాట‌రీ క‌లిగి ఉంటుంది. ఈ బ్యాట‌రీ 20 నిమిషాల్లో 56 శాతం, 44 నిమిషాల్లో 100 శాతం చార్జింగ్ అవుతుంది. ఈ ఫోన్ ఆండ్రాయిడ్ 14 బేస్డ్ క‌ల‌ర్ ఓఎస్ 14 ఆప‌రేట్ చేస్తారు.

ఒప్పో ఎఫ్ 27ప్రో + ఫోన్ ట్రిపుల్ రేర్ కెమెరా సెట‌ప్‌తో ఉంది. 64 -మెగా పిక్సెల్ మెయిన్ సెన్స‌ర్ కెమెరా, 2-మెగా పిక్సెల్ డెప్త్ సెన్స‌ర్ కెమెరాతోపాటు సెల్ఫీలూ వీడియో కాల్స్ కోసం 8-మెగా పిక్సెల్ సెన్స‌ర్ కెమెరా ఉంటాయి. హై ప్రెష‌ర్ రెసిస్టెన్స్‌లో ఐపీ66, హై టెంప‌రేచ‌ర్ వాట‌ర్ జెట్స్ రెసిస్టెన్స్‌లో ఐపీ 68, 30 నిమిషాలు నీటిలో మునిగినా చెక్కుచెద‌ర‌కుండా రెసిస్టెన్స్ విష‌యంలో ఐపీ 69 రేటింగ్స్ క‌లిగి ఉన్న తొలి స్మార్ట్ ఫోన్ ఇదే.

స‌మ‌ర్ధ‌వంతంగా ప‌వ‌ర్ మేనేజ్‌మేంట్‌, స్మూత్ మ‌ల్టీ టాస్కింగ్‌, ఆల్‌డే బ్యాట‌రీ లైఫ్ కోసం ఒప్పో ఎఫ్‌27 ప్రో + 5జీ (OPPO F27 Pro+ 5G) ఫోన్‌లో వాడిన ఒక్టాకోర్ మీడియాటెక్ 7050 ప్రాసెస‌ర్ ప‌ని చేస్తుంది. వివిధ కార్య‌క‌లాపాల‌కు వాడేలా సుదీర్ఘ‌కాలం బ్యాట‌రీ లైఫ్ కోసం 67వాట్ల సూప‌ర్ వూక్ ఫ్లాష్ చార్జ్ (67W SUPERVOOC Flash Charge) మ‌ద్ద‌తుతో 5000 ఎంఏహెచ్ కెపాసిటీ గ‌ల బ్యాట‌రీ క‌లిగి ఉంటుంది.

ఒప్పో ఎఫ్‌27 ప్రో+ 5జీ (OPPO F27 Pro+ 5G) ఫోన్ 8 జీబీ ర్యామ్ విత్ 128 జీబీ స్టోరేజీ వేరియంట్ రూ.27,999, 8 జీబీ ర్యామ్ విత్ 256 జీబీ స్టోరేజీ వేరియంట్ రూ.29,999ల‌కు ల‌భిస్తాయి. లాంచింగ్ సంద‌ర్భంగా ఈ నెల 13 నుంచి 19 మ‌ధ్య ఫోన్ ప్రీ ఆర్డ‌ర్ బుక్ చేసుకున్న వారికి ఒప్పో ప‌లు డీల్స్ అందిస్తోంది.

ఆరు నెల‌ల వ‌ర‌కూ రూ.1,199 విలువైన యాక్సిడెంట‌ల్, లిక్విడ్ డామేజ్ నుంచి ప్రొటెక్ష‌న్ ఉంటుంది.

ఆరు నెల‌ల వ‌ర‌కూ నో - కాస్ట్ ఈఎంఐ ఆప్ష‌న్‌. తొమ్మిది నెల వ‌ర‌కూ డౌన్ పేమెంట్ లేకుండా ఫోన్ కొనుగోలు.

ఒప్పో ఎఫ్‌27ప్రో+ ఫోన్ కొనుగోలుకు ఎక్స్చేంజ్ బోన‌స్ రూ.1,000. ఇప్ప‌టికే ఒప్పో ఫోన్లు వాడుతున్న క‌స్ట‌మ‌ర్ల‌కు అద‌నంగా రూ.1000 లాయాల్టీ బోన‌స్ ల‌భిస్తుంది.

హెచ్‌డీఎఫ్‌సీ బ్యాంక్‌, ఎస్బీఐ, ఐసీఐసీఐ బ్యాంకు డెబిట్‌, క్రెడిట్ కార్డుల నుంచి కొనుగోలు చేస్తే 10 శాతం ఇన్‌స్టంట్ డిస్కౌంట్‌.

ఈ నెల 20 నుంచి డ‌స్క్ పింక్‌, మిడ్ నైట్ నేవీ రంగుల్లో ఒప్పో ఎఫ్‌27ప్రో + 5జీ ఫోన్ ల‌భ్యం.