బంగ్లాదేశ్‌లో భారత్‌ బస్సుపై దాడి..పలు ప్రాంతాల్లో ఉద్రిక్తత

బంగ్లాదేశ్‌లో హిందువులపై దాడులు ప్రకంపనలు రేపుతున్నాయి. బంగ్లాదేశ్‌లో శ్యామాలి పరిబహన్ బస్సుపై జరిగిన దాడిని త్రిపుర రవాణా మంత్రి ఖండించారు. భారతీయ ప్రయాణికుల భద్రతకు తక్షణ చర్యలు తీసుకోవాలని ఆయన కోరారు. త్రిపుర నుంచి కోల్‌కతాకు వెళుతుండగా బంగ్లాదేశ్‌లోని బ్రాహ్మణబారియా బిశ్వా రోడ్డులో శ్యామోలి పరిబహన్ బస్సుపై దాడి జరిగిందని మంత్రి చౌదరి వెల్లడించారు.“ఈ సంఘటనతో బస్సులోని భారతీయ ప్రయాణీకులు భయభ్రాంతులకు గురయ్యారు, బస్సు బిశ్వా రోడ్‌లో ఒక స్ట్రెచ్ గుండా వెళుతోంది. అకస్మాత్తుగా, సరకులతో వెళ్తున్న ట్రక్కు ప్రమాదానికి కారణమయ్యే బస్సును ఉద్దేశపూర్వకంగా ఢీకొట్టింది. అదే సమయంలో రోడ్డుపై వెళ్తున్న ఆటో బస్సు ఎదురుగా రావడంతో శ్యామాలి బస్సు ఢీకొట్టింది. ఈ ఘటన తర్వాత స్థానికులు బస్సులోని భారతీయ ప్రయాణికులను బెదిరిస్తూనే ఉన్నారు.

వారి సమక్షంలోనే, వారు వివిధ భారతదేశ వ్యతిరేక నినాదాలు చేశారు మరియు ప్రయాణీకులను చంపుతామని బెదిరిస్తూ తీవ్ర వ్యాఖ్యలు చేశారు. ఈ ఘటనతో బస్సులోని భారతీయ ప్రయాణికులు భయభ్రాంతులకు గురయ్యారు’’ అని మంత్రి తెలిపారు. గత కొంతకాలంగా బంగ్లాదేశ్ లో అరాచక పరిస్థితులు నెలకొన్నాయి. ప్రధాని పదవి నుంచి షేక్ హసీనా బలవంతంగా తప్పుకోవాల్సి రావడం, తాత్కాలిక ప్రభుత్వం ఏర్పడడం, ఇటీవల హిందువులపై దాడులు జరుగుతుండడం తెలిసిందే. బంగ్లాదేశ్ లో హిందువులపై దాడుల ప్రకంపనలు ఏపీలోని విశాఖలోనూ వినిపించాయి.నేడు ఆంధ్రా యూనివర్సిటీలోని ఇంటర్నేషనల్ హాస్టల్ వద్ద జనజాగరణ్ సమితి, హిందూ ధార్మిక సంఘాలు ఆందోళన చేపట్టాయి. బంగ్లాదేశ్ లో హిందువులపై దాడులను నిరసిస్తూ... నినాదాలు చేశారు. ఇక్కడి హాస్టళ్లలోని బంగ్లాదేశీ విద్యార్థులు వారి స్వదేశానికి వెళ్లిపోవాలంటూ డిమాండ్ చేశారు.