భారత ఎన్నికల ప్రక్రియపై మస్క్‌ ప్రశంసలు

ప్రపంచ కుబేరుడు ఎలాన్‌ మస్క్‌ భారత ఎన్నికల ప్రక్రియపై ప్రశంసల జల్లు కురపించారు. అమెరికాలోని కాలిఫోర్నియాలో ఇంకా ఓట్ల లెక్కింపు పూర్తికాకపోవడంపై అసంతృప్తి వ్యక్తం చేశారు. భారతదేశంలో ఒక్కరోజులోనే 64 కోట్ల ఓట్లను ఎలా లెక్కించారని హెడ్‌లైన్‌తో ప్రచురితమై న కథనాన్నిమస్క్‌ ఎక్స్‌లో షేర్‌ చేశారు. భారత్‌లో ఒక్కరోజులోనే ఇన్ని ఓట్లను లెక్కించిందని, కానీ కాలిఫోర్నియా ఇంకా ఓట్ల లెక్కింపులోనే ఉన్నదని రాసుకొచ్చారు. ఈ నెల 5న అమెరికాలో అధ్యక్ష ఎన్నికలు జరిగిన సంగతి తెలిసిందే. ఈ ఎన్నికల్లో రిపబ్లికన్‌ అభ్యర్థి ట్రంప్‌ గెలిచారు. అయితే అత్యధిక జనాభా కలిగిన కాలిఫోర్నియాలో ఇంకా ఓట్ల లెక్కింపు పూర్తికాలేదు. ఆ ప్రాంతంలో మెయిల్‌ ద్వారా పోలైన ఓట్లు ఎక్కువగా ఉండటంతో సమయం పడుతున్నది.