Ori Devuda: ఈసారైనా ఆహాకు హిట్ దక్కుతుందా!
థియేటర్స్ లో ఓ మోస్తరు గా ఆడిన ఓరి దేవుడా మూవీ OTT లోకి వచ్చింది. AHA లో వచ్చిన ఈ చిత్రం ఆ ఓటీటీ కి విజయాన్ని అందిస్తుందా?
ఆహాలోకి మరో కొత్త సినిమా వచ్చింది. ఆ సినిమాయే 'ఓరి దేవుడా'. వెంకటేష్, విశ్వక్ సేన్, మిథిలా పాల్కర్, ఆశా భట్ హీరో హీరోయిన్లుగా నటించిన ఈ చిత్రాన్ని పరల్ వి.పొట్లూరి నిర్మిస్తున్నారు. థియేటర్స్‌లో ప్రేక్షకులకు వినోదాన్ని పంచిన ఈ చిత్రం ఆహాలో ఈరోజు నుంచి స్ట్రీమింగ్ కు వస్తోంది.
ఈ రొమాంటిక్ కామెడీ ఎంటర్ టైనర్ కు అశ్వత్ మారిముత్తు డైరెక్టర్. దేవుడు (వెంకటేష్), హీరో అర్జున్ (విశ్వక్ సేన్)కి ఓ గోల్డెన్ టికెట్‌ను ఇస్తాడు. దాని ద్వారా అర్జున్ తన సమస్యను పరిష్కరించుకునే అవకాశం దక్కుతుంది. జీవితంలో సెకండ్ ఛాన్స్ అనే విషయంపై ఈ సినిమా తెరకెక్కింది. ప్రేక్షకులు కోరుకునే అంశాలన్నీ ఉన్నాయి.
ఎప్పటికప్పుడు కొత్త సినిమాల్ని పెడుతుంటుంది ఆహా. అయితే ఖైదీ, క్రాక్ సినిమాల రేంజ్ లో సక్సెస్ మాత్రం అందుకోలేకపోయింది. మొన్నటికిమొన్న స్వాతిముత్యం సినిమాను స్ట్రీమింగ్ కు పెట్టింది. థియేటర్లలో ఓ మోస్తరు టాక్ తెచ్చుకున్న ఆ సినిమా, ఆహా ఖాతాలో ఫెయిల్యూర్ మూవీగా మిగిలింది.
ఇప్పుడు దాదాపు ఓరి దేవుడా సినిమా కూడా అలాంటిదే. థియేటర్లలో ఈ సినిమాకు కూడా ఓ మోస్తరు గుర్తింపు మాత్రమే దక్కింది. అలా అని సినిమా బ్యాడ్ అనలేదు ఎవ్వరూ. ఈ నేపథ్యంలో ఆహాలోకి వస్తున్న ఈ మూవీ, ఆ ఓటీటీకి సక్సెస్ అందిస్తుందా లేదా అనేది చూడాలి.