Pawan Kalyan Met Balakrishna: ఇంత సడన్ గా బాలకృష్ణ ని పవన్ కళ్యాణ్ ఎందుకు కలిసాడు?

మెగాస్టార్ చిరంజీవి మరియు నందమూరి బాలకృష్ణ ఆయనా అప్పుడప్పుడు ఒకే స్టేజిపై కనిపిస్తూ ఉంటారు కానీ పవర్ స్టార్ పవన్ కళ్యాణ్ మరియు బాలకృష్ణ కలుసుకోవడం చాలా అరుదైన సంఘటన అని చెప్పుకోవచ్చు. తాజాగా నందమూరి బాలకృష్ణ "వీర సింహా రెడ్డి" సినిమా షూటింగ్ తో బిజీగా ఉండగా పవన్ కళ్యాణ్ సెట్ కి వెళ్లి బాలకృష్ణని కలిసారు.

దీనికి సంబంధించిన ఫోటో ఇప్పుడు సోషల్ మీడియాలో వైరల్ గా మారుతుంది. ఒకవైపు బాలకృష్ణ "వీరసింహారెడ్డి" లుక్కుతో అదరగొడుతుండగా మరోవైపు పవన్ కళ్యాణ్ కూడా తెల్లని డ్రస్సులో డాషింగ్ గా కనిపిస్తున్నారు. పవన్ కళ్యాణ్ మరియు బాలకృష్ణ ఇంత సడన్ గా ఎందుకు కలిశారు అనేది ఇప్పుడు చర్చనీయాంసంగా మారింది.

అయితే వీరిద్దరూ మామూలుగా కలిసారా లేక ఏదైనా విశేషం ఉందా అని ఇంకా తెలియాల్సి ఉంది. మరోవైపు పవన్ కళ్యాణ్ కూడా బాలకృష్ణ హోస్ట్ చేస్తున్న అన్ స్టాపబుల్ షో కి గెస్ట్ గా విచ్చేయనున్నారు అని వార్తలు వినిపిస్తున్నాయి. ఈ ఎపిసోడ్ షూటింగ్ కూడా త్వరలోనే మొదలు కాబోతోంది. అయితే తాజాగా ఇప్పుడు పవన్ కళ్యాణ్ మరియు బాలకృష్ణ కలిసింది కూడా దీని గురించే అని కొందరు చెబుతున్నారు. కానీ అధికారిక ప్రకటన మాత్రం ఇంకా వెలువడలేదు.

మరో వైపు "వీర సింహా రెడ్డి" సినిమా తరువాత బాలయ్య బోయపాటి దర్శకత్వంలో ఒక సినిమా చేయమన్నారు. మరోవైపు పవన్ కళ్యాణ్ క్రిష్ దర్శకత్వంలో "హరిహర వీరమల్లు" సినిమాతో బిజీగా ఉన్నారు.