Vishwak Sen | నాకు ట్రిపుల్ యాక్షన్ రాదు

విశ్వక్ సేన్ కు డబుల్ యాక్షన్ కొత్త కాదు. దాస్ కా ధమ్కీలో ఆయన ద్విపాత్రాభినయం చేశాడు. మరి ఇతడు త్రిపాత్రాభినయం కూడా చేస్తాడా? అది మాత్రం తన వల్ల కాదంటున్నాడు ఈ నటుడు.

తన సొంత బ్యానర్ పై కల్ట్ అనే సినిమా ప్రకటించాడు ఈ హీరో. ఇందులో హీరోలుగా ముగ్గురు కొత్తోళ్లను తీసుకుంటున్నాడు. నిజానికి ఆ 3 పాత్రలూ తనకు నచ్చాయని, కానీ ట్రిపుల్ యాక్షన్ చేయడం తన వల్ల కాదని అంటున్నాడు.

"కల్ట్ సినిమాలో చాలా లేయర్స్ ఉన్నాయి. చాలా డిఫరెంట్ స్టోరీ చెబుతున్నాను. జీవితంపై ఎలాంటి హోప్ లేని ముగ్గురు వ్యక్తుల కథ ఇది. వాళ్ల జర్నీ ఎలా ఉంటుందనేది స్టోరీ. చాలా థ్రిల్ గా ఉంటుంది. నేను ట్రిపుల్ యాక్షన్ చేయలేను, అందుకే కొత్తోళ్లను పెట్టుకున్నాను."

ఈరోజు కల్ట్ ప్రాజెక్టును ప్రకటించాడు విశ్వక్ సేన్. ఈ సినిమాకు కథ తనే రాసుకున్నాడు. సినిమా కల్ట్ అవుతుందనే నమ్మకం తనకు ఉందని, అందుకే కల్ట్ అనే టైటిల్ ను పెట్టానని అంటున్నాడు. ఈ సినిమాతో 25 మంది నూతన నటీనటుల్ని ఇండస్ట్రీకి పరిచయం చేయబోతున్నాడు ఈ హీరో.