Vishal: మరో 2 రోజుల్లో లాఠీ మూవీ టీజర్

యాక్షన్ హీరో విశాల్ హీరోగా వినోద్ కుమార్ దర్శకత్వంలో రానా ప్రొడక్షన్స్‌పై రాబోతోన్న యాక్షన్ ఎంటర్ టైనర్ 'లాఠీ'. రమణ, నంద సంయుక్త నిర్మాణంలో భారీగా తెరకెక్కుతున్న ఈ చిత్రం నుండి ఇప్పటికే విడుదలైన ప్రమోషనల్ మెటిరీయల్ సినిమాపై క్యూరియాసిటీని పెంచాయి.

'లాఠీ' మూవీ మేకర్స్ మరో బిగ్ అప్ డేట్ ఇచ్చారు. సినిమా టీజర్, ఫస్ట్ సింగిల్, గ్లింప్స్ ను నవంబర్ 13వ తేది సాయంత్రం 6.30 గంటలకు హైదరాబాద్ జేఆర్సీ కన్వెన్షన్ హాల్ వేదికగా ప్రదర్శించనున్నారు. ఓ సినిమాకు సంబంధించి ఇలా ఒకేసారి టీజర్, గ్లింప్స్, సాంగ్ ను ప్రదర్శించడం విశేషం. 

గతంలో విజయ్ ఆంటోనీ ఇలా చేసేవాడు. తన సినిమాకు సంబంధించి ముందుగానే 20 నిమిషాల చిత్రాన్ని, ట్రయిలర్ ను ప్రదర్శించేవాడు. ఇప్పుడు విశాల్ కూడా అదే పద్ధతి ఫాలో అవుతున్నట్టున్నాడు. తెలుగు, తమిళ్, హిందీ, మలయాళం, కన్నడ భాషల్లో విడుదల కానున్న ఈ పాన్ ఇండియా చిత్రంలో విశాల్ సరసన సునయన హీరోయిన్‌గా నటిస్తోంది.

లాఠీలో భారీ యాక్షన్ సీక్వెన్స్‌లు ఉండబోతోన్నాయి. మరీ ముఖ్యంగా సెకెండాఫ్ లో ఏకంగా 45 నిమిషాల పాటు యాక్షన్ సన్నివేశాలుంటాయి. ఈ సినిమా టైమ్ లో విశాల్ గాయపడ్డాడు కూడా. దిలీప్ సుబ్బరాయణ్ ఈ ఫైట్ సీక్వెన్స్‌లను కంపోజ్ చేశాడు.