Saindhav | త్వరలోనే మ్యూజికల్ ప్రమోషన్స్

Saindhav Movie | విక్టరీ వెంకటేష్ హీరోగా శైలేష్ కొలను దర్శకత్వంలో రూపొందుతున్న పాన్ ఇండియా మూవీ ‘సైంధవ్’. నిహారిక ఎంటర్‌టైన్‌మెంట్ బ్యానర్‌పై వెంకట్ బోయనపల్లి ప్రతిష్టాత్మక నిర్మిస్తున్నారు. ఇప్పటికే విడుదలైన ఫస్ట్ గ్లింప్స్, క్యారెక్టర్ లుక్స్, టీజర్ కు నేషనల్ వైడ్ గా ట్రెమండస్ రెస్పాన్స్ వచ్చింది.

తాజాగా ‘సైంధవ్’ విడుదలకు కౌంట్ డౌన్ స్టార్ట్ చేస్తూ మేకర్స్ ఓ బ్రాండ్ న్యూ పోస్టర్ ని విడుదల చేశారు. త్వరలో మ్యూజికల్ ప్రమోషన్స్ స్టార్ట్ చేయబోతున్నట్లు తెలియజేశారు. స్టార్ కంపోజర్ సంతోష్ నారాయణన్ ఈ చిత్రం కోసం అద్భుతమైన ఆల్బమ్ రెడీ చేశారు. త్వరలోనే ఫస్ట్ సింగిల్ రిలీజ్ చేయబోతున్నారు.

ఈ సందర్భంగా విడుదల చేసిన కౌంట్ డౌన్ పోస్టర్ లో వెంకటేష్ సెలబ్రెషన్స్ మూడ్ లో ఆనందంగా కనిపించారు. పోస్టర్ లో వెంకటేష్ సిగ్నేచర్ మూమెంట్ ఆకట్టుకుంది. వెంకీకి ఇది కెరీర్ లో 75వ సినిమా. అందుకే 75 రోజుల ముందుగా కౌంట్ డౌన్ స్టార్ట్ చేశారు.

‘సైంధవ్’ జనవరి 13న సంక్రాంతికి ప్రేక్షకుల ముందుకు వస్తోంది. రిలీజ్ కు ఇంక 75 రోజులు వుందని తెలియజేస్తూ విడుదల చేసిన కౌంట్ డౌన్ పోస్టర్ బాగుంది. నవాజుద్దీన్ సిద్ధిఖీ, ఆర్య, శ్రద్ధా శ్రీనాథ్, రుహాని శర్మ, ఆండ్రియా జెరెమియా కీలక పాత్రలు పోషించారు.