Varun Tej - కొత్త సినిమాకు రిలీజ్ డేట్ లాక్ చేసిన వరుణ్ తేజ్

కెరీర్ ప్రారంభం నుంచి వైవిధ్యమైన సినిమాలు చేస్తూ తనదైన గుర్తింపు సంపాదించుకున్న హీరో వరుణ్ తేజ్. ఇప్పుడీ హీరో మరో డిఫరెంట్ ఫిలిం చేశాడు. దాని పేరు ‘గాంఢీవధారి అర్జున’. స్టైలిష్ ఫిల్మ్ మేక‌ర్ ప్ర‌వీణ్ సత్తారు ద‌ర్శ‌క‌త్వంలో తెర‌కెక్కుతోన్న‌ ఈ చిత్రంలో వ‌రుణ్ తేజ్ ప‌క్కా యాక్ష‌న్ మోడ్‌లో కనిపిస్తున్నాడు. సాక్షి వైద్య హీరోయిన్‌గా న‌టిస్తుంది.

వ‌రుణ్‌తేజ్ కెరీర్‌లో అత్యంత భారీ చిత్రంగా.. యూరోపియ‌న్ దేశాల‌తో పాటు అమెరికాలోనూ షూటింగ్‌ జరుపుకుంది ఈ సినిమా. బి.వి.ఎస్‌.ఎన్‌.ప్ర‌సాద్‌ నిర్మాతగా తెరకెక్కుతున్న ఈ సినిమా షూటింగ్ పనులు పూర్తయ్యాయి. ప్రస్తుతం పోస్ట్ ప్రొడక్షన్ పనులు జరుగుతున్నాయి. ఆగస్ట్ 25న ఈ యాక్ష‌న్ ఎంట‌ర్‌టైన‌ర్‌ను గ్రాండ్ లెవ‌ల్లో విడుద‌ల చేస్తున్నారు.

‘గాంఢీవధారి అర్జున’ షూటింగ్ పూర్త‌యిన విష‌యాన్ని తెలియ‌జేస్తూ మేకర్స్ ఓ పోస్ట‌ర్‌ను విడుద‌ల చేశారు. ఇందులో వ‌రుణ్ తేజ్ చాలా స్టైలిష్‌గా క‌నిపిస్తున్నారు. చేతిలో గ‌న్ ప‌ట్టుకుని నిలుచుని ఉన్నాడు. వ‌రుణ్‌తేజ్ ఈ చిత్రంలో సెక్యూరిటీ ఆఫీస‌ర్‌గా కనిపించబోతున్నాడు. అత్యంత ప్ర‌మాద‌క‌ర‌మైన ప‌రిస్థితుల నుంచి ప్ర‌జ‌లను అత‌ను ఎలా కాపాడాడు, అత‌ని స్ట్రాట‌జీస్ ఏంటనేది సినిమా స్టోరీ.

మిక్కీ జె.మేయ‌ర్ ఈ సినిమాకు సంగీతం అందిస్తున్నాడు. ఈ సినిమాతో పాటు, శక్తిప్రతాప్ సింగ్ దర్శకత్వంలో సోనీ పిక్చర్స్ బ్యానర్ పై ఓ యాక్షన్ ఎఁటర్ టైనర్ చేస్తున్నాడు వరుణ్ తేజ్. దీనికి ఇంకా టైటిల్ ఫిక్స్ చేయలేదు. త్వరలోనే ఆ టైటిల్ కూడా రిలీజ్ అవుతుంది. ఈ రెండు సినిమాల్ని కొలిక్కి తీసుకొచ్చి, లావణ్య త్రిపాఠిని పెళ్లి చేసుకోబోతున్నాడు వరుణ్ తేజ్.