Matka Movie | వరుణ్ తేజ్ ఫస్ట్ లుక్ రిలీజ్
Matka Movie First Look - వరుణ్ తేజ్ కొత్త సినిమా మట్కా. ఈ సినిమా నుంచి ఫస్ట్ లుక్ రిలీజ్ చేశారు. డబుల్ ఇంపాక్ట్ ఇచ్చారు.
మెగా ప్రిన్స్ వరుణ్ తేజ్ కెరీర్ లోనే భారీ బడ్జెట్ సినిమాగా వస్తోంది మట్కా. కరుణ కుమార్ దర్శకత్వంలో వైర ఎంటర్‌టైన్‌మెంట్స్, ఎస్‌ఆర్‌టి ఎంటర్‌టైన్‌మెంట్స్ బ్యానర్లపై విజయేందర్ రెడ్డి తీగల, రజనీ తాళ్లూరి ఈ సినిమాను నిర్మిస్తున్నారు. ప్రస్తుతం హైదరాబాద్‌లో ప్రొడక్షన్‌ పనులు జరుగుతున్నాయి.
ఈరోజు ఈ సినిమా ఫస్ట్‌లుక్‌ పోస్టర్‌ని విడుదల చేశారు. ఇందులో రెండు లుక్స్ ఉన్నాయి. ఒక ఫొటోలో వరుణ్ తేజ్ యంగ్ స్టర్ గా, రెండో ఫొటోలో మిడిల్ ఏజ్డ్ మనిషిగా కనిపిస్తున్నాడు. సినిమాలో 4 డిఫరెంట్ గెటప్స్ లో కనిపించబోతున్నాడు వరుణ్. సినిమాలో హీరో 24 ఏళ్ల జర్నీని చూపించనున్నారు.
సిగార్ తాగుతూ ఇంటెన్స్ గా కనిపించిన హీరో, దాని కింద ఫొటోలో యూత్ ఫుల్ గా, డాషింగ్‌గా కనిపించాడు. అతని డ్రెస్సింగ్ స్టైల్, హెయిర్ స్టైల్ వింటేజ్ ఫీల్ లో ఉంది. తన టేబుల్ మీద తుపాకీ ఉంది. ప్లే కార్డులలో కింగ్ కార్డ్ బ్యాక్ డ్రాప్ గా ఉంది. ఇలా ఒకేసారి 2 లుక్స్ తో డబుల్ ఇంపాక్ట్ క్రియేట్ చేశారు.
పీరియాడికల్ బ్యాక్‌డ్రాప్‌లో సాగే ఈ సినిమాలో మీనాక్షి చౌదరి, నోరా ఫతేహీ హీరోయిన్లుగా నటిస్తున్నారు. జివి ప్రకాష్ కుమార్ మ్యూజిక్ అందిస్తున్నాడు.