Waltair Veerayya: ప్రీ బుకింగ్ సేల్స్ తో రికార్డ్స్ క్రియేట్ చేస్తున్న వాల్తేరు వీరయ్య
Waltair Veerayya Movie Records: వాల్తేరు వీరయ్య సినిమాపై ప్రేక్షకుల్లో ఉన్న అంచనాలకు తగ్గట్టుగానే ఈ సినిమాను ఎక్కువ స్క్రీన్ లలో ప్రదర్శించేందుకు అక్కడి డిస్ట్రిబ్యూటర్లు సన్నాహాలు చేస్తున్నారు.
చాలా ఏళ్ల తర్వాత ఒక పక్కా మాస్ సినిమాతో ప్రేక్షకుల ముందుకు వస్తున్నాడు మెగాస్టార్ చిరంజీవి. వాల్తేరు వీరయ్య పేరుతో తెరకెక్కుతున్న ఈ సినిమాకు బాబీ దర్శకత్వం వహిస్తుండగా, శృతిహాసన్ హీరోయిన్ గా నటిస్తోంది. ఈ మూవీ సంక్రాంతి కానుకగా జనవరి 13న విడుదల కానుంది. ఇప్పటికే ఈ సినిమా నుంచి విడుదలైన పాటలు, టీజర్స్ తో ప్రేక్షకుల్లో విపరీతమైన అంచనాలు పెరిగాయి. ఇటీవల కాలంలో ఎప్పుడూ లేనంత విధంగా చిరంజీవి సినిమాకు బజ్ ఏర్పడింది. అందుకు తగ్గట్టే ఈ మూవీ యూఎస్ఏ ప్రీ బుకింగ్స్ లో రికార్డ్స్ క్రియేట్ చేస్తోంది. ఇప్పటిదాకా వాల్తేరు వీరయ్య సినిమా ప్రీ బుకింగ్స్ సేల్స్ తోనే 100కే డాలర్స్ క్రాస్ చేసింది.
ఈ మూవీ విడుదలకు ఇంకా దాదాపు పది రోజుల సమయం ఉండటంతో .. ప్రీ బుకింగ్ సేల్స్ మరింతగా పెరుగుతాయని అంచనా వేస్తున్నారు. వాల్తేరు వీరయ్య సినిమాపై ప్రేక్షకుల్లో ఉన్న అంచనాలకు తగ్గట్టుగానే ఈ సినిమాను ఎక్కువ స్క్రీన్ లలో ప్రదర్శించేందుకు అక్కడి డిస్ట్రిబ్యూటర్లు సన్నాహాలు చేస్తున్నారు.
కాగా ఈ సినిమాలో చిరంజీవితో పాటు మరో హీరోగా మాస్ మహారాజా రవితేజ నటిస్తున్నాడు. ఆయన ఈ మూవీలో ఒక పవర్ ఫుల్ పోలీస్ క్యారెక్టర్ లో కనిపించనున్నాడు. దాదాపు 23 ఏళ్ల తర్వాత రవితేజ మరోసారి చిరంజీవి సినిమాలో నటిస్తుండటంతో ప్రేక్షకుల్లో ఆసక్తి నెలకొంది. వాల్తేరు వీరయ్య సినిమాను భారీ బడ్జెట్ తో మైత్రీ మూవీ మేకర్స్ నిర్మించింది.