టాలీవుడ్ లో మొదలైన క్రిస్మస్ పోటీ

దీపావళి పోటీ చూశాం. ఏకంగా 4 సినిమాలు థియేటర్లలోకి వచ్చాయి. ఇప్పుడు క్రిస్మస్ బాక్సాఫీస్ కోసం పోటీ మొదలైంది. క్రిస్మస్ కు కూడా ఏకంగా 4 సినిమాలు రెడీ అవుతున్నాయి. అయితే దీపావళి టైపులోనే, క్రిస్మస్ కు కూడా పెద్ద సినిమాలు పోటీలో లేవు. అలా అని తీసిపడేసే సినిమాలూ కాదు

ఈ దీపావళికి రవితేజ నటిస్తున్న ధమాకా సినిమా విడుదల కానుంది. దీంతో పాటు నిఖిల్ చేస్తున్న 18-పేజెస్ కూడా రిలీజ్ అవుతోంది. ఈ రెండు సినిమాల మధ్యే ప్రధానంగా పోటీ ఉండబోతోంది. అయితే ఈ 2 సినిమాలతో పాటు అన్నీ మంచి శకునములే, లాఠీ (విశాల్) సినిమాలు కూడా థియేటర్లలోకి వస్తున్నాయి.

నిజానికి దీపావళికి అఖిల్ నటిస్తున్న ఏజెంట్, నాని చేస్తున్న దసరా సినిమాలు వస్తాయని అంతా ఎదురుచూశారు. కానీ అనివార్య కారణాల వల్ల ఈ రెండు సినిమాలు రాలేకపోయాయి. అలా సడెన్ గా ఖాళీ అయిన క్రిస్మస్ బాక్సాఫీస్ ను రవితేజ, నిఖిల్ ఆక్రమించారు.

ఈ క్రిస్మస్ కు వీకెండ్ కూడా కలిసొస్తోంది. శుక్రవారం సినిమా రిలీజ్ చేస్తే క్రిస్మస్ తో వీకెండ్ పూర్తవుతుంది. పైగా ఓవర్సీస్ లో కూడా క్రిస్మస్ బాక్సాఫీస్ మార్కెట్ బాగుంటుంది. దీంతో తమ సినిమాలపై భారీ ఆశలు పెట్టుకున్నారు నిర్మాతలు.