తగ్గేదేలే... ఎట్టకేలకు ‘పుష్ప 2’ షూటింగ్‌ పూర్తి

ఐకాన్ స్టార్ అల్లు అర్జున్‌ హీరోగా సుకుమార్‌ దర్శకత్వంలో రూపొందుతున్న వస్తున్న సినిమా పుష్ప 2. డిసెంబరు 5న విడుదల కానున్న ఈ మూవీ షూటింగ్‌ పూర్తయింది. ఈ విషయాన్ని తెలియజేస్తూ అల్లు అర్జున్ ఆనందం వ్యక్తం చేశారు. ‘‘చివరి రోజు షూటింగ్‌. అద్భుతమైన ఐదేళ్ల ‘పుష్ప’ ప్రయాణం పూర్తయిందని బన్నీ’ పేర్కొన్నారు. ఈ మూవీకి సంబంధించి ప్ర‌మోష‌న్స్ ఇప్ప‌టికే మొదలవ్వ‌గా.. విడుద‌ల చేసిన ట్రైల‌ర్‌తో పాటు కిస్సిక్ సాంగ్ సోష‌ల్ మీడియాలో దుమ్మురేపుతున్నాయి. ఇదిలావుంటే ఈ చిత్రం ర‌న్‌టైంకి సంబంధించి ఒక వార్త సోష‌ల్ మీడియాలో వైర‌ల్‌గా మారింది.

పుష్ప ర‌న్ టైం దాదాపు 3.21 గంట‌లు అని తెలుస్తుంది.ఇందులో ఫ‌స్ట్ ఆఫ్ 1.40 నిమిషాలు, సెకండ్ ఆఫ్ 1.51 నిమిషాలు అని తెలుస్తుంది. ఒక‌వేళ ఇదే నిజ‌మైతే ఈ మ‌ధ్య వ‌చ్చిన సినిమాల‌లో ఇదే అత్య‌ధిక ర‌న్‌టైంతో వ‌చ్చిన సినిమాగా రికార్డుల‌కెక్కుతుంది. కాగా దీనిపై అధికారిక ప్ర‌క‌ట‌న రావాల్సి ఉంది. పుష్ప 2 చిత్రం 2019 అక్టోబరు 30న పూజా కార్యక్రమాలతో మొదలైంది. కొవిడ్‌-19 కారణంగా కొంతకాలం షూటింగ్‌కు విరామం ప్రకటించారు. కరోనా పరిస్థితులు కుదట పడిన తర్వాత ఎన్నో కష్టనష్టాలకు ఓర్చి సినిమాను పూర్తి చేశారు. డిసెంబరు 17, 2021న విడుదలైన ‘పుష్ప: ది రైజ్‌’ బాక్సాఫీస్‌ వద్ద ఘన విజయాన్ని నమోదు చేసింది.