Selfish Movie | సెల్ఫిష్ మూవీ షూటింగ్ అప్ డేట్స్

తొలి చిత్రం 'రౌడీ బాయ్స్'తో ఆకట్టుకున్న యంగ్ హీరో ఆశిష్, ప్రస్తుతం సుకుమార్ రైటింగ్స్‌తో కలిసి దిల్ రాజు నిర్మాతగా తెరకెక్కుతున్న సెల్ఫిష్ అనే సినిమాలో నటిస్తున్నాడు. క్రేజీ యూత్‌ఫుల్ మాస్ ఎంటర్‌టైనర్ ఇది. నూతన దర్శకుడు కాశీ విశాల్ ఈ చిత్రానికి దర్శకత్వం వహిస్తున్నాడు.

సెల్ఫిష్ షూటింగ్ ప్రస్తుతం హైదరాబాద్ వీధుల్లో జరుగుతోంది. ప్రధాన నటీనటులపై కీలక సన్నివేశాలను చిత్రీకరిస్తున్నారు. ప్రస్తుతం జరుగుతున్న ఈ షెడ్యూల్‌లోని కొన్ని వర్కింగ్ స్టిల్స్‌ను మేకర్స్ విడుదల చేశారు. వర్కింగ్ స్టిల్స్ లో ఆశిష్ ట్రెండీ లుక్‌లో కనిపించగా, ఇవానా కూల్‌గా కనిపిస్తుంది.

మిక్కీ జె మేయర్ సంగీతం అందిస్తున్న ఈ సినిమా మొదటి పాట దిల్ కుష్‌ ఇప్పటికే మార్కెట్లోకి వచ్చింది. ఆర్య, ఆర్య-2 సినిమాల తర్వాత దిల్ రాజు, సుకుమార్ కలిసి చేస్తున్న ప్రాజెక్ట్ ఇది. దీంతో సెల్ఫిష్ పై అంచనాలు పెరిగాయి. త్వరలోనే ఈ సినిమా టీజర్ ను లాంఛ్ చేయబోతున్నారు.