Ravi Teja: రవితేజ కొడుకుపై అతి పెద్ద రూమర్.. రవితేజ ఏమన్నాడో తెలుసా..

గత కొంతకాలంగా వరుస డిజాస్టర్లతో సతమతమవుతున్న మాస్ మహారాజా రవితేజ తాజాగా విడుదలైన "ధమాకా" సినిమాతో పరవాలేదు అనిపించారు. మళ్ళీ వింటేజ్ రవితేజ మార్క్ ఎంటర్టైన్మెంట్‌తో ప్రేక్షకులను మెప్పించి మంచి హిట్‌నే తన ఖాతాలో వేసుకున్నారు.

ఒకవైపు "ధమాకా" సక్సెస్‌ను రవితేజ ఎంజాయ్ చేస్తుండగా మరోవైపు రవితేజ తనయుడు గురించిన ఒక ఆసక్తికరమైన వార్త సోషల్ మీడియాలో వైరల్‌గా మారింది. గతంలో "రాజా ది గ్రేట్" సినిమాలో రవితేజ చిన్నప్పటి పాత్రలో రవితేజ తనయుడు మహాధన్ నటించిన సంగతి తెలిసింద. అయితే తాజాగా ఇప్పుడు మహాధన్ హీరోగా మారబోతున్నాడని త్వరలోనే ఒక సీక్వెల్ సినిమాతో రవితేజ మహాధన్‌ను హీరోగా ఇండస్ట్రీకి పరిచయం చేయబోతున్నారు అని వార్తలు వినిపించడం మొదలైంది.

వివరాల్లోకి వెళితే 2012లో పూరి జగన్నాథ్‌ దర్శకత్వంలో రవితేజ నటించిన "ఇడియట్" సినిమా ఎంత పెద్ద హిట్ అయిందో ప్రత్యేకంగా చెప్పాల్సిన అవసరం లేదు. ఈ సినిమా విడుదలైన 20 ఏళ్లకు ఇప్పుడు ఈ సినిమాకి సీక్వెల్‌గా ఇడియట్ 2 రాబోతోందని అందులో రవితేజ తనయుడు మహాధన్ భూపతి రాజు హీరోగా కనిపించబోతున్నారు అని పుకార్లు ఊపందుకున్నాయి.

అయితే తాజాగా ఈ పుకార్లపై రియాక్ట్ అయ్యారు రవితేజ. "వాల్తేరు వీరయ్య" సినిమా ప్రమోషన్స్‌తో బిజీగా ఉన్నా రవితేజకు మహధన్ ఎంట్రీ గురించిన ప్రశ్న కూడా ఎదురైంది. కానీ రవితేజ మాత్రం ఈ పుకార్లలో నిజం లేదని కొట్టిపారేశారు. "మొదటిసారిగా ఇలాంటి వార్తను వింటున్నాను. నాకైతే అట్లాంటి ప్లాన్స్ ఏమీ లేవు," అని చెప్పుకొచ్చారు రవితేజ. మరోవైపు రవితేజ తనయుడు మహాధన్ ఇంకా చిన్నపిల్లాడే అని, ఇంకా చదువుకుంటున్నాడని ఇప్పట్లో యాక్టింగ్ వైపు వచ్చే అవకాశం లేదని తెలుస్తోంది.