విశ్వక్ సేన్ ను చిరంజీవితో పోల్చిన రామ్ చరణ్

విశ్వక్ సేన్.. ఇప్పుడిప్పుడే రైజ్ అవుతున్న హీరో. చిరంజీవి.. టాలీవుడ్ మెగాస్టార్. తిరుగులేని కథానాయకుడు. మరి వీళ్లిద్దరి మధ్య పోలిక ఏంటి? పోలిక ఉందంటున్నాడు రామ్ చరణ్. విశ్వక్ ను తన తండ్రి చిరంజీవితో పోల్చాడు. ఇంతకీ ఆ పోలిక ఏంటో మీరే చూడండి.

"రెండు తెలుగు రాష్ట్రాల్లో గల్లీగల్లీలో విశ్వక్ సేనుడి గురించి తెలియని వారులేరు. ఆయనకు అంతటా అభిమానులున్నారు. యూత్, రెబల్, రేజింగ్ ఫ్యాన్స్ ఉంటారు. కానీ ఆయన బయట ఉండే పర్సనాలిటీకి నేను పెద్ద అభిమానిని. ఇచ్చిన మాట కోసం నిలబడే వారంటే నాకు ఇష్టం. మంచో చెడో.. మాట ఇస్తే.. విశ్వక్ సేన్ నిలబడతాడు. నమ్మినదాని కోసం నిలబడడం, పక్క వారి కోసం నిలబడటం పెద్ద అచ్చీవ్‌మెంట్. రజినీకాంత్, పవన్ కళ్యాణ్‌, చిరంజీవిల సినిమాలు హిట్ అవుతాయ్.. ఫ్లాప్ అవుతాయి. కానీ ఎల్లప్పుడూ సూపర్ స్టార్‌గా ఉండాలంటే.. పర్సనాలిటీ నిండుగా ఉండాలి. అది విశ్వక్ లో చూశాను."

ఇలా చిరంజీవికి, విశ్వక్ కు పోలిక పెట్టాడు చరణ్. విశ్వక్ నటించిన తాజా చిత్రం ఓరి దేవుడా. రాజమండ్రిలో ఈ సినిమా ప్రీ-రిలీజ్ ఫంక్షన్ జరిగింది. అక్కడే తన కొత్త సినిమా షూటింగ్ లో పాల్గొంటున్న చరణ్, విశ్వక్ సినిమా ప్రమోషన్ కోసం ప్రీ-రిలీజ్ కు హాజరయ్యాడు. ఈ సందర్భంగా ఈ వ్యాఖ్యలు చేశాడు.