Raja Saab | ఇంటర్నెట్ లో రాజాసాబ్ సందడి
Raja Saab - యూట్యూబ్ లో రాజాసాబ్ సంచలనాలు కొనసాగుతున్నాయి. రికార్డ్ వ్యూస్ తో దూసుకుపోతోంది ఈ సినిమా గ్లింప్స్.
రెబల్ స్టార్ ప్రభాస్ "రాజా సాబ్" ఫ్యాన్ ఇండియా గ్లింప్స్ సోషల్ మీడియాలో రికార్డ్ స్థాయి వ్యూస్ సాధిస్తోంది. ఈ గ్లింప్స్ రిలీజైన 24 గంటల్లో 20 మిలియన్స్ కు పైగా వ్యూస్ దక్కించుకుంది.
"రాజా సాబ్" ఫ్యాన్ ఇండియా గ్లింప్స్ యూట్యూబ్ లో నెంబర్-1 ప్లేస్ లో ట్రెండ్ అవుతోంది. ఈ గ్లింప్స్ కు వస్తున్న హ్యూజ్ రెస్పాన్స్ చూస్తే ప్రభాస్ క్రేజ్, స్టార్ డమ్ ఏ రేంజ్ లో ఉందో అర్థం చేసుకోవచ్చు. "రాజా సాబ్" ఫ్యాన్ ఇండియా గ్లింప్స్ లో ప్రభాస్ వింటేజ్ స్టైలిష్ రొమాంటిక్ లుక్ ప్రతి ఒక్కరినీ ఆకర్షిస్తోంది.
ప్రభాస్ ఇప్పటిదాకా చేయని రొమాంటిక్ హారర్ జానర్ లో "రాజా సాబ్" సినిమాను రూపొందిస్తున్నాడు డైరెక్టర్ మారుతి. డార్లింగ్ ఫ్యాన్స్ కు ఎప్పటికీ గుర్తుండిపోయేలా ప్రభాస్ ను స్క్రీన్ మీద ప్రెజెంట్ చేయబోతున్నాడు.
పీపుల్ మీడియా ఫ్యాక్టరీ బ్యానర్ లో నిర్మాత టీజీ విశ్వప్రసాద్ ఈ సినిమాను తెరకెక్కిస్తున్నాడు. వచ్చే ఏడాది ఏప్రిల్ 10న తెలుగుతో పాటు తమిళ, మలయాళ, కన్నడ, హిందీలో రాజాసాబ్ విడుదల కానుంది. మాళవిక మోహనన్, నిధి అగర్వాల్, రిద్ది కుమార్ హీరోయిన్లుగా నటిస్తున్నారు.