Pushpa 2 | ఎట్టకేలకు సెట్స్ పైకి పుష్ప-2

పుష్ప-2 ఎట్టకేలకు సెట్స్ పైకి వచ్చింది. తాజాగా ఈ సినిమాకు సంబంధించి ఓ యాక్షన్ ఎపిసోడ్ పిక్చరైజ్ చేస్తున్నారు. అయితే ట్విస్ట్ ఏంటంటే, హీరో అల్లు అర్జున్ ఇంకా సెట్స్ పైకి రాలేదు.

పుష్ప-2కు సంబంధించి హీరో-దర్శకుడికి మధ్య అభిప్రాయబేధాలు ఏర్పడినట్టు ఊహాగానాలు వినిపిస్తున్నాయి. వాటికి మరింత బలం చేకూరుస్తూ.. దర్శకుడు ఆమధ్య అమెరికా వెళ్లిపోయాడు. అతడు ఇండియాకు తిరిగొచ్చిన వెంటనే, సరైన టైమ్ చూసి హీరో కూడా యూరోప్ టూర్ కు వెళ్లిపోయాడు.

అలా ఎవరికివారు అన్నట్టు వ్యవహరించడంతో పుష్ప-2 సినిమా షూటింగ్ ఆలస్యమౌతోంది. ఇప్పటికే ఓసారి వాయిదాపడిన ఈ సినిమా, డిసెంబర్ 6వ తేదీకైనా వస్తుందా అనే అనుమానాలు అందర్లో మొదలయ్యాయి.

అయితే ఎలాంటి సమస్య లేదని, చెప్పిన టైమ్ కు సినిమా వస్తుందని, త్వరలోనే సినిమా సెట్స్ పైకి వస్తుందని మైత్రీ మూవీ మేకర్స్ రీసెంట్ గా ప్రకటించింది. చెప్పినట్టుగానే ఈ సినిమా రెగ్యులర్ షూటింగ్ మొదలైంది. అయితే హీరో సెట్స్ పైకి వచ్చేంతవరకు ఈ పుకార్లు ఆగవనే విషయం అందరికీ తెలిసిందే.