రేపట్నుంచి ప్రిన్స్ హంగామా

శివకార్తికేయన్ హీరోగా, అనుదీప్ కెవి దర్శకత్వంలో ఓ సినిమా తెరకెక్కుతోంది. దీని పేరు ప్రిన్స్. తెలుగు, తమిళ్ భాషలలో ఒకేసారి ఈ సినిమాను విడుదల చేయడానికి ప్లాన్ చేస్తున్నారు. శివకార్తికేయన్ సరసన మారియా ర్యాబోషప్క హీరోయిన్ గా నటిస్తోన్న ఈ మూవీ, పాండిచ్చేరి, లండన్ నేపథ్యంలో సాగుతుంది.

ఈ చిత్రం ప్రచారాన్ని రేపట్నుంచి అధికారికంగా ప్రారంభించబోతున్నారు. ముందుగా మ్యూజికల్ ప్రమోషన్‌లను స్టార్ట్ చేస్తారు. సినిమా ఫస్ట్ సింగిల్ రేపు లాంచ్ చేస్తున్నారు. ఈ సందర్భంగా విడుదల చేసిన పోస్టర్ లో లీడ్ పెయిర్ ఆకట్టుకున్నారు. ఇద్దరూ పసుపు రంగు దుస్తుల్లో కలర్ ఫుల్ గా కనిపించారు.

తమన్ ఈ చిత్రానికి సంగీతం అందిస్తున్నాడు. సునీల్ నారంగ్, సురేష్ బాబు కలిసి ఈ సినిమాను నిర్మిస్తున్నారు. ఈ చిత్రానికి మనోజ్ పరమహంస సినిమాటోగ్రాఫర్ గా, ప్రవీణ్ కెఎల్ ఎడిటర్ గా పని చేస్తున్నారు.

శివకార్తికేయన్ హీరోగా నటిస్తున్న తొలి స్ట్రయిట్ మూవీ ఇదే. ఇందులో కామెడీతో పాటు అన్ని ఎమోషన్స్ ఉంటాయంటున్నాడు దర్శకుడు అనుదీప్. జాతిరత్నాలు తర్వాత అనుదీప్ డైరక్ట్ చేస్తున్న సినిమా ఇదే.