Prabhas Kannappa | కన్నప్ప కోసం ప్రభాస్ ఎంత తీసుకున్నాడు?

భారతీయ చిత్రసీమలోని అతిపెద్ద స్టార్లలో ప్రభాస్ ఒకడు. రీసెంట్ గా సలార్ పార్ట్-1తో పెద్ద హిట్ కొట్టాడు. అతను తదుపరి సైన్స్ ఫిక్షన్ యాక్షన్ చిత్రం 'కల్కి'. అది జూన్ లో గ్రాండ్‌గా విడుదల కానుంది.

ఇది కాకుండా, మంచు విష్ణు కన్నప్పలో అతిధి పాత్రలో నటించడానికి అంగీకరించాడు ప్రభాస్. ఈ సినిమాకు సంబంధించి తాజాగా తన షూటింగ్ పార్ట్‌ను ముగించాడు. ఇప్పుడు దీనికి సంబంధించి ఆసక్తికర విషయం వెలుగులోకి వచ్చింది. ఈ ఫాంటసీ డ్రామాలో తన పాత్ర కోసం అతను ఒక్క పైసా కూడా తీసుకోలేదంట.

ప్రస్తుతం ఒక్కో సినిమాకు వంద కోట్ల రూపాయలు తీసుకుంటున్నాడు ప్రభాస్. అలాంటిది కన్నప్పలో నటించడానికి ఒక్క రూపాయి కూడా తీసుకోలేదంట. ఫ్రీగా నటించాడట. దీని వెనక 2 కారణాలున్నాయి.

మోహన్ బాబుతో ప్రభాస్ కు గొప్ప అనుబంధం ఉంది. ఇద్దరూ కలిసి సినిమా చేశారు కూడా. ఇక మంచు విష్ణు కూడా మంచి స్నేహితుడు. దీంతో కన్నప్పలో ఫ్రీగా నటించాడట ప్రభాస్. ఇక రెండో కారణం కూడా ఉంది. పెదనాన్న కృష్ణంరాజు కన్నప్ప సినిమాను ప్రభాస్ హీరోగా తీయాలనుకున్నారు. కానీ అది సాధ్యం కాలేదు. ఇప్పుడు అదే కన్నప్ప కథలో నటించే అవకాశం ప్రభాస్ కు వచ్చింది. అందుకే పెదనాన్నపై ప్రేమతో ఈ సినిమాలో ఉచితంగా నటించాడట ప్రభాస్.