Parineeti Chopra - త్వరలోనే పరిణీతి చోప్రా పెళ్లి

బాలీవుడ్ లో మరో బ్యూటీ పెళ్లికి సిద్ధమౌతోంది. ఇప్పటికే శ్రియ, అలియాభట్, కియరా అద్వానీ లాంటి ఎంతోమంది తారలు పెళ్లిళ్లు చేసుకున్నారు. ఇప్పుడీ లిస్ట్ లోకి పరిణీతి చోప్రా కూడా చేరబోతోంది.

తాజా సమాచారం ప్రకారం.. ఈ ఏడాదిలోనే పరిణీతి చోప్రా పెళ్లి చేసుకునే అవకాశాలున్నాయి. కొన్నాళ్లుగా ఆమె రాజకీయవేత్త, ఆప్ నాయకుడు రాఘవ్ చద్దాతో డేటింగ్ చేస్తున్న సంగతి తెలిసిందే. ఈ విషయాన్ని వాళ్లు దాచిపెట్టలేదు. కెమెరాలకు పోజులిచ్చి మరీ నిర్థారించారు.

ఇప్పుడీ ఇద్దరు వైవాహిక బంధంలోకి అడుగుపెట్టాలనుకుంటున్నారు. వచ్చేనెలలో వీళ్లిద్దరి ఎంగేజ్ మెంట్ ఉంటుందంటూ బాలీవుడ్ లో కథనాలు వస్తున్నాయి. ఆ వెంటనే 2 నెలల గ్యాప్ లో పెళ్లి ఉండే అవకాశం ఉందంట.

లండన్ లో చదువుకునే రోజుల్లో రాఘవ్-పరిణీతి క్లాస్ మేట్స్. ఆ తర్వాత ఎవరి రంగాల్లో వాళ్లు బిజీ అయిపోయారు. మళ్లీ ఓ కామన్ ఫ్రెండ్ ద్వారా ఈమధ్య కలుసుకున్నారు. అప్పట్నుంచి ఇద్దరూ బాగా క్లోజ్ అయ్యారట. పెళ్లి కోసం ఈమధ్య వీళ్లిద్దరూ లండన్ వెళ్లి షాపింగ్ కూడా పూర్తిచేసినట్టు తెలుస్తోంది