'పంచతంత్రం' విడుదల తేదీ ఫిక్స్

బ్రహ్మానందం, సముద్రఖని, కలర్స్ స్వాతి, శివాత్మిక రాజశేఖర్, రాహుల్‌ విజయ్‌, నరేష్‌ అగస్త్య, దివ్య శ్రీపాద ప్రధాన పాత్రల్లో నటించిన చిత్రం 'పంచతంత్రం'. టికెట్‌ ఫ్యాక్టరీ, ఎస్‌ ఒరిజినల్స్‌ సంస్థలు సంయుక్తంగా నిర్మించాయి. హర్ష పులిపాక రచన, దర్శకత్వంలో రూపొందుతున్న ఈ చిత్రానికి అఖిలేష్‌ వర్ధన్‌, సృజన్‌ ఎరబోలు నిర్మాతలు.

"పంచతంత్రం" సినిమాను డిసెంబర్ 9న విడుదల చేస్తున్నట్లు చిత్ర యూనిట్ ప్రకటించింది. ఈ మేరకు ఓ వీడియోను కూడా విడుదల చేసింది. బ్రహ్మానందం కాస్త సీరియస్ గా, వ్యామోహంతో 'పంచతంత్రం' అనే పదం రాసి ఉన్న క్యాసెట్ ని చూస్తుండగా ఈ వీడియో మొదలవుతుంది.

తర్వాత రాహుల్ విజయ్ కాస్త ఆత్రుతగా, గాలిలోకి చూస్తూ నడవడం మనం చూస్తాం. హ్యాపీ మూడ్‌లో ఉన్న శివాత్మిక రాజశేఖర్‌ని అతనికి జోడీగా చూపించారు. సముద్రఖని, దివ్య వాణి మధ్య వయస్కులైన జంటగా కనిపిస్తున్నారు , ఆ తర్వాత దివ్య శ్రీపాద తన భర్తతో కలిసి ఆనందకరమైన భావోద్వేగ మూడ్‌లో ఉన్న దృశ్యాలు కనిపిస్తాయి. ఆంథాలజీ కాన్సెప్ట్ తో వస్తున్న ఈ చిత్రంలో 'కలర్స్' స్వాతి కీలక పాత్రలో నటిస్తోంది.

ఇప్పటికే ఈ సినిమాలోని 'అరెరే అరెరే' అనే పాటను సంచలన హీరో విజయ్ దేవరకొండ సోషల్ మీడియా హ్యాండిల్స్ ద్వారా విడుదల చేశారు.. 'యే రాగమో' అనే మరో పాటను కూడా విడుదల చేశారు. ఈ పాటలకు ప్రేక్షకుల నుండి మంచి రెస్పాన్స్ వచ్చింది. ఈ సినిమాలో బ్రహ్మానందం పాత్ర పేరు వేదవ్యాస్. ప్రశాంత్ విహారి సంగీత దర్శకుడు.