చరణ్-శంకర్ సినిమా.. అది గాసిప్ మాత్రమే!

టాలీవుడ్ లో గాసిప్స్ కామన్. కాస్త క్రేజ్ తో వస్తున్న ప్రతి ప్రాజెక్టుపై రోజుకో ఊహాగానం పుట్టుకొస్తూనే ఉంటుంది. ఇది కూడా అలాంటిందే. రామ్ చరణ్, శంకర్ సినిమాకు సంబంధించిన మేటర్ ఇది.

ప్రస్తుతం సెట్స్ పై ఉన్న ఈ ప్రాజెక్టుపై ఇప్పటికే ఎన్నో పుకార్లు వచ్చాయి. తాజాగా మరో పుకారు వేగంగా వ్యాపిస్తోంది. అదేంటంటే.. ఈ సినిమా థియేట్రికల్ రైట్స్ 200 కోట్ల రూపాయలకు అమ్ముడుపోయాయంట.

రామ్ చరణ్, శంకర్ కాంబినేషన్ లో వస్తున్న పాన్ ఇండియా సినిమా 200 కోట్ల రూపాయలకు అమ్ముడుపోవడం పెద్ద మేటర్ కాదు. కానీ ఈ మేటర్ లో నిజం లేదు. స్వయంగా యూనిట్ నుంచి ఈ విషయంపై స్పష్టత వచ్చింది.

ఇంకా పేరుపెట్టని ఈ సినిమా థియేట్రికల్ రైట్స్ 200 కోట్ల రూపాయలకు అమ్ముడుపోయాయనే విషయంలో ఎలాంటి నిజం లేదని మేకర్స్ ప్రకటించారు. ప్రస్తుతం తామంతా షూటింగ్ పైనే దృష్టి పెట్టామని క్లారిటీ ఇచ్చారు.

చరణ్-శంకర్ మూవీ ప్రస్తుతం షూటింగ్ మోడ్ లో ఉంది. 50శాతం మాత్రమే షూట్ పూర్తయింది. కనీసం 80 శాతం షూట్ పూర్తయిన తర్వాత ప్రీ-రిలీజ్ బిజినెస్ ప్రారంభించాలని నిర్మాత దిల్ రాజు భావిస్తున్నాడు.

ఈ సినిమా నాన్-థియేట్రికల్ రైట్స్ ఆల్రెడీ అమ్ముడుపోయిన సంగతి తెలిసిందే. జీ గ్రూప్ ఈ సినిమా అన్ని భాషలకు సంబంధించి నాన్-థియేట్రికల్ రైట్స్ సొంతం చేసుకుంది.

రామ్ చరణ్ ద్విపాత్రాభినయం చేస్తున్న ఈ సినిమాలో అతడి సరసన కియరా అద్వానీ, అంజని హీరోయిన్లుగా నటిస్తున్నారు. తమన్ ఈ సినిమాకు సంగీతం అందిస్తున్నాడు. వచ్చే ఏడాది సమ్మర్ ఎట్రాక్షన్ గా ఈ మూవీని రిలీజ్ చేయబోతున్నారు.