'మట్కా' వాసు మేకింగ్‌ వీడియో
వరుణ్‌తేజ్‌ మూవీలో వాసు పాత్ర కోసం ఆయన ఏ విధంగా సిద్దమయ్యాయో వీడియోలో చూపెట్టిన చిత్రబృందం
వరుణ్‌ తేజ్‌ హీరోగా కరుణకుమార్‌ డైరెక్ట్‌ చేసిన 'మట్కా' మూవీ రేపు విడుదల కానున్నది. ఇప్పటికే ఈ సినిమాకు సంబంధించిన ట్రైలర్ యూట్యూబ్ ట్రెడింగ్‌లోకి వెళ్లిన సంగతి తెలిసిందే.ఈ సినిమా ప్రీ రిలిజ్‌ ఈవెంట్‌ కార్యక్రమాన్ని కూడా పూర్తి చేసుకున్నది. తాజాగా చిత్ర బృందం మేకింగ్‌ వీడియోను రిలీజ్ చేసింది. వరుణ్‌ తేజ్‌ మట్కా వాసులా మారారు ఇలా అంటూ ఆయనకు సంబంధించిన మేకింగ్‌ వీడియో షేర్‌ చేసింది. వాసు పాత్ర కోసం ఆయన ఏ విధంగా సిద్దమయ్యాయో అందులో చూపెట్టింది.
డైరెక్టర్‌ కరుణ కుమార్‌ 'పలాస 1978', 'శ్రీదేవి సోడా సెంటర్‌' సినిమాలతో టాలీవుడ్‌ ప్రేక్షకులకు వినూత్న అనుభూతిని అందించారు. ఆయన దర్శకత్వంలో వరుణ్‌ తేజ్‌ సరసన మీనాక్షి చౌదరీ హీరోయిన్‌గా తెరకెక్కిన మూవీనే 'మట్కా'. పీరియాడిక్‌ డ్రామాగా సిద్ధమైన ఈ సినిమాలో వరుణ్‌ తేజ్‌ నాలుగు భిన్నమైన గెటప్పుల్లో కనువిందు చేయనున్నారు. రతన్‌ ఖత్రి అనే గ్యాంబ్లర్‌ స్టోరీని ఆధారంగా చేసుకొని ఫిక్షనల్‌ కథ సిద్ధం చేశామని డైరెక్టర్‌ తెలిపారు. వాసు అనే వ్యక్తి ప్రయాణమే ఈ కథ. 1958లో చిన్నతనంలోనే శరణార్థిగా బర్మా నుంచి వైజాగ్‌కు వస్తాడు. అక్కడి నుంచి ఒక్కోమెట్టు ఎక్కుతూ 'మట్కా' కింగ్‌లా ఎలా మారాడు అన్నది కథ అని వరుణ్‌ ట్రైలర్ విడుదల కార్యక్రమంలో చెప్పారు. ట్రైలర్‌లో వరుణ్‌ చెప్పిన డైలాగ్స్‌ బాగున్నాయి. మూవీ మేకింగ్‌, నటీ నటుల గెటప్‌లన్నీ చూస్తుంటే అప్పటి అనుభూతి కలిగేలా ఉన్నాయి.