మహాలక్ష్మి నుంచి స్వాతిగా మారిన కృతిశెట్టి

రీసెంట్ గా రిలీజైన వారియర్ సినిమాలో విజిల్ మహాలక్ష్మిగా కనిపించింది కృతిశెట్టి. ఇప్పుడీ ముద్దుగుమ్మ స్వాతిగా మారింది. నితిన్ హీరోగా నటిస్తున్న మాస్, కమర్షియల్ ఎంటర్‌టైనర్‌ 'మాచర్ల నియోజకవర్గం' కోసం ప్రేక్షకులు ఎంతో ఆసక్తితో ఎదురుచూస్తున్నారు. ఈ చిత్రం నుండి కృతి శెట్టిని స్వాతిగా పరిచయం చేస్తూ ఆమె ఫస్ట్ లుక్ ని విడుదల చేశారు. ట్రెండీ అవుట్ ఫిట్ తో స్టైలిష్‌గా కనిపించింది కృతి. ఆమె కూల్ గా కాఫీ ఆస్వాదించడం ప్లజంట్ గా ఉంది. ఈ చిత్రంలో నితిన్ సరసన కృతి శెట్టి, హీరోయిన్ గా చాలా కీలక పాత్ర పోషిస్తోంది.

పొలిటికల్ ఎలిమెంట్స్‌తో మాస్ యాక్షన్ ఎంటర్‌టైనర్‌గా రూపొందుతున్న ఈ చిత్రాన్ని శ్రేష్ట్ మూవీస్ బ్యానర్‌పై సుధాకర్ రెడ్డి నిర్మిస్తున్నారు. కృతి శెట్టితో పాటు క్యాథరీన్ మరో హీరోయిన్ గా నటిస్తుండగా, స్పెషల్ సాంగ్ లో అంజలి సందడి చేస్తోంది. ఇటివలే విడుదలైన రారా రెడ్డి అనే లిరికల్ వీడియోకు అద్భుతమైన స్పందన వచ్చింది.

ఎంఎస్ రాజశేఖర్ రెడ్డి దర్శకత్వం వహిస్తున్న ఈ చిత్రంలో నితిన్, సిద్ధార్థ్ రెడ్డి అనే ఐఏఎస్ అధికారిగా కనిపించనున్నారు. సముద్రఖని మెయిన్ విలన్‌గా నటిస్తున్నారు. వీళ్లందరి ఫస్ట్ లుక్స్ రిలీజయ్యాయి. తాజాగా కృతిశెట్టి ఫస్ట్ లుక్ కూడా రిలీజ్ అవ్వడంతో.. సినిమాకు సంబంధించిన కీలక పాత్రధారుల లుక్స్ అన్నీ విడుదలచేసినట్టయింది.

ఈ చిత్రానికి ప్రసాద్ మూరెళ్ల సినిమాటోగ్రాఫర్ పని చేస్తుండగా, మహతి స్వర సాగర్ సంగీతం అందిస్తున్నాడు. 'మాచర్ల నియోజకవర్గం' ఆగస్ట్ 12న ప్రపంచవ్యాప్తంగా థియేటర్లలో గ్రాండ్ గా విడుదల కానుంది.