Amigos Movie: కల్యాణ్ రామ్ త్రిపాత్రాభినయం

వైవిధ్యమైన సినిమాలు, పాత్రలు చేయటానికి ఆసక్తి చూపిస్తున్నాడు కల్యాణ్ రామ్. రీసెంట్ గా బింబిసార వంటి డిఫ‌రెంట్ మూవీతో బ్లాక్ బ‌స్ట‌ర్ హిట్ కొట్టిన క‌ళ్యాణ్ రామ్ ఇప్పుడు అమిగోస్ అంటూ ప్రేక్ష‌కుల‌ను ప‌ల‌క‌రించ‌బోతున్నారు. ‘అమిగోస్‌’ అనే సినిమాతో ఆడియెన్స్‌కు ఓ సరికొత్త ఎక్స్‌పీరియెన్స్‌ ఇవ్వబోతున్నాడు.

మైత్రీ మూవీ మేక‌ర్స్ నిర్మిస్తోన్న ఈ చిత్రం ఫిబ్ర‌వ‌రి 10న వ‌ర‌ల్డ్ వైడ్‌గా గ్రాండ్ గా విడుద‌లవుతుంది. రాజేందర్ రెడ్డి దర్శకుడిగా పరియమౌతున్న ఈ సినిమా, ప్ర‌స్తుతం పోస్ట్ ప్రొడ‌క్ష‌న్ స్టేజ్ లో ఉంది.

మ‌రోవైపు సినిమా ప్ర‌మోష‌న‌ల్ యాక్టివిటీస్ కూడా ఆడియెన్స్‌ను ఎట్రాక్ట్ చేస్తున్నాయి. అందులో భాగంగా ‘అమిగోస్‌’ టీజ‌ర్‌ను విడుద‌ల చేశారు. ఈ టీజ‌ర్‌తో సినిమాపై అంచ‌నాలు నెక్ట్స్ లెవ‌ల్‌కు చేరాయి.

ఇప్ప‌టివ‌ర‌కు తాను చేసిన పాత్ర‌ల‌కు భిన్నంగా ‘అమిగోస్‌’ చిత్రంలో క‌ళ్యాణ్ రామ్ త్రిపాత్రాభిన‌యం చేశాడు. ఔత్సాహిక వ్యాపారవేత్తగా, సాఫ్ట్ వేర్ ఇంజ‌నీర్‌గా, కిల్లర్ గా కనిపించాడు. ఓ క‌ళ్యాణ్ రామ్ పాత్ర‌ను మ‌రో క‌ళ్యాణ్ రామ్ చంపాల‌నుకోవ‌టం.. దాని చుట్టూ జ‌రిగే ఆస‌క్తిక‌ర‌మైన క‌థ‌.. మూడు పాత్ర‌లు ఒక చోట క‌లుసుకోవ‌టం.. లాంటివి టీజర్ లో ఆసక్తికరంగా ఉన్నాయి.

అస‌లు ఒకేలా ఉన్న ఆ ముగ్గురు ఎవ‌రు? అన్న‌ద‌మ్ములా.. స్నేహితులా .. అస‌లు ఒక‌రినొక‌రు ఎందుకు చంపుకోవాల‌నుకుంటున్నారు? ఇలాంటి ఎన్నో ప్రశ్నల్ని టీజర్ రేకెత్తించింది.

క‌ళ్యాణ్ స‌ర‌స‌న ఆషికా రంగ‌నాథ్ హీరోయిన్‌గా న‌టిస్తుంది. జిబ్రాన్ సంగీతం అందిస్తోన్న ఈ చిత్రానికి ఎస్‌.సౌంద‌ర్ రాజ‌న్ సినిమాటోగ్రాఫ‌ర్‌గా.. త‌మ్మిరాజు ఎడిట‌ర్‌గా వర్క్ చేస్తున్నారు.