Mehreen | కొత్తగా కనిపిస్తానంటున్న మెహ్రీన్

మెహ్రీన్.. ఈ ముద్దుగుమ్మకు పరిచయం అక్కర్లేదు. చేసిన తక్కువ సినిమాలతోనే ఎక్కువ గుర్తింపు తెచ్చుకుంది ఈ ముద్దుగుమ్మ. మరీ ముఖ్యంగా ఎఫ్2లో ఆమె పోషించిన పాత్రకు మంచి మార్కులొచ్చాయి. అంతకంటే ముందు రాజా ది గ్రేట్ సినిమాతో హిట్ కొట్టినప్పటికీ, ఎఫ్2లో మెహ్రీన్ పోషించిన హనీ పాత్ర సూపర్ హిట్టయింది. హనీ ఈజ్ గ్రేట్ అంటూ మెహ్రీన్ పలికించిన హావభావాలు అందరికీ కనెక్ట్ అయ్యాయి. ఆ తర్వాత మహాలక్ష్మిగా కూడా మెప్పించింది ఈ ముద్దుగుమ్మ.

చిన్న విరామం తర్వాత స్పార్క్ అనే సినిమాతో థియేటర్లలోకి వస్తోంది ఈ ఎన్నారై బ్యూటీ. మొన్నటివరకు హనీ, మహాలక్ష్మీ పాత్రల్లో తనను గుర్తుపెట్టుకున్న ప్రేక్షకులు.. ఇకపై లేఖ అంటూ పిలుస్తారని అంటోంది. స్పార్క్ లో ఆమె పోషించిన పాత్ర పేరు లేఖ.

విక్రాంత్ హీరోగా పరిచయమౌతున్న ఈ సైన్స్ ఫిక్షన్ సినిమాలో తను చాలా కొత్తగా కనిపిస్తానంటోంది మెహ్రీన్. తను పోషించిన లేఖ పాత్ర అందరికీ గుర్తుండిపోతుందని, సినిమా సక్సెస్ అయిన తర్వాత అఁతా తనను ఆ పాత్ర పేరుతోనే పిలుస్తారని నమ్మకంగా చెబుతోంది. ఈ సినిమా సక్సెస్ కోసం ఆశగా ఎదురుచూస్తున్నానని కూడా ప్రకటించింది.

విదేశాల నుంచి ఇండియాకొచ్చి స్పార్క్ సినిమా తీశాడు విక్రాంత్. ఈ సినిమాలో ఇతడు కేవలం హీరో మాత్రమే కాదు. ఈ సినిమాకు కథ ఇతడే రాసుకున్నాడు. డైరక్షన్ కూడా ఇతడే చేశాడు. అంతేకాదు, ఈ మూవీకి నిర్మాత కూడా ఇతడే. ఇలా ఎంతో సాహసంతో సినిమా తీసిన విక్రాంత్ కు తప్పకుండా హిట్ వస్తుందని చెబుతోంది మెహ్రీన్.