Bhimaa - గోపీచంద్ కొత్త సినిమా డీటెయిల్స్
Bhimaa Movie - గోపీచంద్ కొత్త సినిమా టైటిల్ ఎనౌన్స్ చేశారు. ఈ మూవీకి భీమా అనే పవర్ ఫుల్ టైటిల్ పెట్టారు.
గోపీచంద్ తన 31వ సినిమా కోసం ప్రముఖ కన్నడ దర్శకుడు ఎ.హర్షతో చేతులు కలిపాడు. యూనిక్ యాక్షన్ ఎంటర్‌టైనర్ గా వస్తున్న ఈ చిత్రాన్ని శ్రీ సత్యసాయి ఆర్ట్స్ బ్యానర్ పై కెకె రాధామోహన్ నిర్మిస్తున్నారు.
గోపీచంద్ పుట్టినరోజు సందర్భంగా చిత్ర నిర్మాతలు సినిమా టైటిల్‌ను అనౌన్స్ చేశారు. ఫస్ట్ లుక్ పోస్టర్‌ను కూడా లాంచ్ చేశారు. ఈ చిత్రానికి 'భీమా' అనే పవర్‌ఫుల్ టైటిల్‌ని లాక్ చేశారు. ఫస్ట్ లుక్ పోస్టర్‌లో గోపీచంద్ పోలీసు అధికారిగా ఇంటెన్స్ రోల్ లో కనిపిస్తున్నాడు. ఫస్ట్ లుక్ పోస్టర్ సినిమాలో గోపీచంద్ వైల్డ్ క్యారెక్టర్‌ని సూచిస్తుంది.
కన్నడలో పలు బ్లాక్‌బస్టర్‌లను అందించిన హర్ష ఈ భారీ బడ్జెట్ చిత్రంతో టాలీవుడ్‌లో అడుగుపెడుతున్నాడు. కుటుంబ భావోద్వేగాలు, ఇతర అంశాలతో కూడిన భారీ యాక్షన్ ఎంటర్‌టైనర్‌గా 'భీమా' వస్తోంది.
కెజిఎఫ్ ఫేమ్ రవి బస్రూర్ ఈ సినిమాకు సంగీతం అందిస్తున్నాడు. ఈ సినిమా షూటింగ్ ప్రస్తుతం హైదరాబాద్‌లోని అల్యూమినియం ఫ్యాక్టరీలో జరుగుతోంది, హీరోయిన్ ఎవరనే విషయాన్ని త్వరలోనే వెల్లడిస్తారు.