Bhimaa | గోపీచంద్ మూవీ షూటింగ్ అప్ డేట్స్
Bhimaa Movie | గోపీచంద్ హీరోగా నటిస్తున్న సినిమా భీమా. ఈ సినిమా షూటింగ్ అప్ డేట్స్ చెక్ చేద్దాం..
మాచో స్టార్ గోపీచంద్ హీరోగా తెరకెక్కుతున్న యూనిక్ యాక్షన్‌ ఎంటర్‌టైనర్‌ ‘భీమా’ నిర్మాణ దశలో ఉంది. ఈ చిత్రాన్ని ప్రముఖ కన్నడ దర్శకుడు ఎ హర్ష దర్శకత్వం వహిస్తుండగా, శ్రీ సత్యసాయి ఆర్ట్స్ బ్యానర్‌పై కెకె రాధామోహన్ నిర్మిస్తున్నారు.
తాజాగా న్యూ ఇయర్ సందర్భంగా మరో పోస్టర్ రిలీజ్ చేశారు. గోపీచంద్ ఖాకీ దుస్తుల్లో ఫెరోషియస్ గా కనిపించారు. సినిమాలో పవర్ ఫుల్ పోలీసు పాత్ర పోషిస్తున్న గోపీచంద్ పోస్టర్ లో చేతిలో సంకెళ్ళు పట్టుకొని టెర్రిఫిక్ గా కనిపించారు. ఈ పోస్టర్ సినిమాలో గోపీచంద్ వైల్డ్ నేచర్ ని తెలియజేస్తోంది.
గోపీచంద్ కెరీర్ లోనే భారీ బడ్జెట్ చిత్రంగా వస్తున్న ఈ సినిమాలో అతడి సరసన ప్రియా భవానీ శంకర్, మాళవిక శర్మ హీరోయిన్లుగా నటిస్తున్నారు.
స్వామి జె గౌడ సినిమాటోగ్రాఫర్ కాగా, సలార్ ఫేమ్ రవి బస్రూర్ సంగీతం అందిస్తున్నారు. ఈ సమ్మర్ కు భీమా సినిమాను విడుదల చేయడానికి ప్లాన్ చేస్తున్నారు.