Bhimaa Teaser | గోపీచంద్ భీమా టీజర్ రిలీజ్
Bhimaa Teaser - గోపీచంద్ తాజా చిత్రం భీమా. ఈ సినిమా నుంచి టీజర్ లాంచ్ చేశారు. ఓ కొత్త ప్రపంచాన్ని ఆవిష్కరించారు.
మాచో స్టార్ గోపీచంద్ నటిస్తున్న యాక్షన్ ఎంటర్‌టైనర్ 'భీమా'. కన్నడ దర్శకుడు ఎ హర్ష ఈ సినిమాతో తెలుగుతెరకు పరిచయమౌతున్నాడు. శ్రీ సత్యసాయి ఆర్ట్స్ బ్యానర్‌పై నిర్మాత కెకె రాధామోహన్ నిర్మిస్తున్నారు. తాజాగా ఈ సినిమా టీజర్ రిలీజ్ చేశారు.
“యదా యదా హి ధర్మస్య గ్లానిర్భవతి భారత..' అనే భగవద్గీత శ్లోకం వాయిస్ ఓవర్ గా వినిపిస్తూ, టీజర్ కట్ చేశారు. “ఈ రాక్షసుల్ని వేటాడే బ్రహ్మ రాక్షసుడు వచ్చాడ్రా 'అని బ్యాక్‌గ్రౌండ్‌లో వాయిస్ వినిపిస్తుంది. ఆ తర్వాత ఎద్దుపై కూర్చొని మాస్ అవతారంలో పరిచయమయ్యాడు గోపీచంద్.
టీజర్ ఓపెనింగ్ లో మునులు, దుష్ట శక్తులు కనిపిస్తాయి. రాక్షసుల్లాంటి మనుషులు వాళ్లను పట్టిపీడిస్తున్నట్టు చూపించారు. తర్వాత గోపీచంద్ ఎంట్రీ ఇస్తాడు. ఇలా డిఫరెంట్ సెటప్ తో వస్తోంది భీమ.
గోపీచంద్ ఈ సినిమాలో పోలీస్ గా కనిపిస్తున్నాడు. టీజర్ లో అతడి లుక్స్ ఆకట్టుకున్నాయి. స్వామి జె గౌడ కెమెరా పనితనం, సలార్ ఫేమ్ రవి బస్రూర్ బ్యాక్ గ్రౌండ్ స్కోర్ బాగున్నాయి. 'భీమా' ఫిబ్రవరి 16న ప్రేక్షకుల ముందుకు రానుందని టీజర్ ద్వారా అనౌన్స్ చేశారు. ప్రియా భవానీ శంకర్, మాళవిక శర్మ ఈ సినిమాలో హీరోయిన్లుగా నటిస్తున్నారు.