RRR Movie: గూగుల్ ట్రెండింగ్ లో ఆర్ఆర్ఆర్ కు చోటు
Google trending movies: ఈ ఏడాది గూగుల్ లో అత్యథికంగా ట్రెండ్ అయిన సినిమాల జాబితాను గూగుల్ ప్రకటించింది. ఈ టాప్-10 లిస్ట్ లో ఆర్ఆర్ఆర్ మూవీకి అగ్రస్థానం దక్కలేదు.
RRR Movie Japan box office collections
గూగుల్ లో ఆర్ఆర్ఆర్ సినిమా సత్తా చాటింది. భారత్ లో గూగుల్ ట్రెండింగ్స్ లో ఈ సినిమాకు నాలుగో స్థానం దక్కింది. మొదటి స్థానంలో బ్రహ్మాస్త్ర నిలిచింది.
భారతదేశంలో సినిమాలకు సంబంథించి ఎక్కువమంది ఏ మూవీని ట్రెండ్ చేశారని అంశానికి సంబంధించి నివేదిక విడుదల చేసింది గూగుల్. ఈ లిస్ట్ లో 2022 సంవత్సరానికి గాను బ్రహ్మాస్త్ర సినిమా టాప్ ట్రెండింగ్ లో నిలిచింది. బ్రహ్మాస్త్ర అనే హ్యాష్ ట్యాగ్ నే ఎక్కువమంది ట్రెండ్ చేసినట్టు, ఎక్కువ వారాలు ఆ హ్యాష్ ట్యాగ్ ట్రెండింగ్ లో నిలిచినట్టు ప్రకటించింది గూగుల్.
ఇక మోస్ట్ ట్రెండింగ్ మూవీస్ లిస్ట్ లో రెండో స్థానంలో కేజీఎఫ్2 నిలిచింది. యష్ హీరోగా నటించిన ఈ సినిమా కోసం దేశం మొత్తం ఎదురుచూసింది. అందుకు తగ్గట్టుగానే భారీగా ట్రెండ్ అయింది కేజీఎఫ్2 సినిమా.
ఇక లిస్ట్ లో మూడో స్థానంలో కశ్మీర్ ఫైల్స్, నాలుగో స్థానంలో ఆర్ఆర్ఆర్ సినిమాలు నిలిచాయి. నిజానికి ఈ ట్రెండింగ్ లిస్ట్ లో ఆర్ఆర్ఆర్ సినిమా అగ్రస్థానంలో నిలుస్తుందని అంతా ఆశించారు. కానీ బ్రహ్మాస్త్ర సినిమా నిలిచి అందర్నీ ఆశ్చర్యపరిచింది. గూగుల్ టాప్-10 ట్రెండింగ్ మూవీస్ లిస్ట్ ఇలా ఉంది..
1. బ్రహ్మాస్త్ర
2. కేజీఎఫ్-2
3. ది కశ్మీర్ ఫైల్స్
4. ఆర్ఆర్ఆర్
5. కాంతార
6. పుష్ప
7. విక్రమ్
8. లాల్ సింగ్ చడ్డా
9. దృశ్యం2
10. థార్