Rashmika - రష్మిక కెరీర్ లో తొలి ఫిమేల్ ఓరియంటెడ్ మూవీ
Rashmika - కెరీర్ లో తొలి లేడీ ఓరియంటెడ్ సినిమాకు గ్రీన్ సిగ్నల్ ఇచ్చింది రష్మిక. సినిమా కూడా లాంచ్ అయింది.
రష్మిక ప్రధాన పాత్రలో రాబోతున్న రొమాంటిక్ ఫాంటసీ ఎంటర్ టైనర్ 'రెయిన్‌బో'. డ్రీమ్ వారియర్ పిక్చర్స్ నిర్మాతలు ఎస్ఆర్ ప్రకాష్ బాబు, ఎస్ఆర్ ప్రభు ఈ సినిమాను నిర్మిస్తున్నారు. తాజాగా ఈ సినిమా లాంచ్ అయింది. రష్మిక కెరీర్ లో తొలి లేడీ ఓరియంటెడ్ సినిమా ఇది.
ఈ సినిమాతో శాంతరూబన్ దర్శకుడిగా పరిచయం అవుతున్నాడు. శాకుంతలం ఫేమ్, నటుడు దేవ్ మోహన్ ఈ సినిమాలో కీలక పాత్ర పోషిస్తున్నాడు. జస్టిన్ ప్రభాకరన్ సంగీతం అందిస్తున్నాడు. నేషనల్ అవార్డ్ విన్నింగ్ ప్రొడక్షన్ డిజైనర్ బంగ్లాన్ ప్రొడక్షన్ డిజైన్ ఇన్‌ఛార్జ్‌గా పని చేస్తున్నారు.
"రెయిన్‌బో కోసం చాలా ఎక్సయిటెడ్ గా ఉన్నాను. దర్శకుడు శాంతరూబన్ అద్భుతమైన కథతో వచ్చారు. డ్రీమ్ వారియర్ పిక్చర్స్ నిర్మాతలకు థ్యాంక్స్.’’ అంటూ స్పందించింది రష్మిక.
ఈ సినిమాతో తను లేడీ ఓరియంటెడ్ కథలవైపు మళ్లాననే విమర్శలకు చెక్ పెట్టింది రష్మిక. ఇకపై కూడా స్టార్ హీరోల సరసన నటిస్తానని, కథ నచ్చడంతోనే రెయిన్ బో సినిమాకు ఓకే చెప్పానని తెలిపింది. ఈ చిత్రం రెగ్యులర్ షూటింగ్ ఏప్రిల్ 7 నుంచి ప్రారంభమౌతుంది.