Choreographer - టాలీవుడ్ లో మహిళా కొరియోగ్రాఫర్ల కొరత
female choreographers - టాలీవుడ్ లోకి మరింత మంది మహిళా కొరియోగ్రాఫర్లు రావాలని కోరింది డాన్స్ మాస్టర్స్ అసోసియేషన్. ఈ మేరకు ఆడిషన్స్ తేదీల్ని వెల్లడించింది.
టీవీల్లో చాలా డాన్స్ షోలు నడుస్తున్నాయి. చాలామంది అమ్మాయిలు తమ డాన్సింగ్ టాలెంట్ తో మెప్పిస్తున్నారు. అయితే వీళ్లలో కొంతమంది మాత్రమే టాలీవుడ్ కు వస్తున్నారు. ఈ విషయం తాజాగా వెలుగులోకి వచ్చింది.
టాలీవుడ్ లో మహిళా డాన్సర్ల కొరత ఎక్కువగా ఉంది. ఈ విషయాన్ని స్వయంగా డాన్స్ మాస్టర్ల అసోసియేషన్ వెల్లడించింది. ప్రెస్ మీట్ పెట్టి మరీ వీళ్లు ఔత్సాహిక డాన్సర్లను ఆహ్వానిస్తున్నారు. ఎవరు వచ్చినా, ఆడిషన్స్ చేసి వాళ్లకు మెంబర్ షిప్ ఇస్తామంటున్నారు.
"నేను ఇక్కడున్న ఎంతో మంది దగ్గర అసిస్టెంట్‌గా పని చేశాను. ఈ నెల 20 నుంచి ఇక్కడ ఆడిషన్స్ చేస్తున్నాం. ఆసక్తి ఉన్న వాళ్లు వచ్చి మెంబర్లుగా జాయిన్ అవ్వండి. ఇప్పుడు మన మాస్టర్లు జాతీయ స్థాయిలో రాణిస్తున్నారు. ఈ ఇండస్ట్రీ అంటే అమ్మాయిలు భయపడతారు. కానీ భయపడాల్సిన అవసరం లేదు. బిందాస్‌గా రావొచ్చు. ఏదీ కూడా సులభంగా మన దగ్గరకు రాదు. మాకు లేడీ డ్యాన్సర్లు, లేడీ కొరియోగ్రాఫర్లు కావాలి. జూలై 20, 21, 22న ఫిలిం చాంబర్ వద్దకు వచ్చి ఆడిషన్స్ ఇవ్వండి. ఆ తరువాత మీరే జానీ మాస్టర్, శేఖర్ మాస్టర్, యానీ మాస్టర్లు కావచ్చు"
ఇలా యానీ మాస్టర్, ఔత్సాహిక డాన్సర్లకు స్వాగతం పలికారు. తెలుగు ఫిల్మ్ అండ్ టీవీ డ్యాన్సర్ అసోసియేషన్ మీడియా సమావేశాన్ని శుక్రవారం నిర్వహించారు. డ్యాన్సర్ల కొరత ఉందని, ప్రతిభ ఉన్న డ్యాన్సర్లంతా కూడా ఆడిషన్స్ ఇవ్వాలని యూనియన్ సంస్థ కోరింది.
33 ఏళ్లుగా తెలుగు ఫిల్మ్ అండ్ టీవీ డ్యాన్సర్ అసోసియేషన్ కార్యకలాపాలు కొనసాగుతున్నాయి. ఈ అసోసియేషన్ ఇప్పుడు డ్యాన్సర్లకు కొత్తగా మెంబర్ షిప్ ఇవ్వాలని నిర్ణయించుకుంది.