Chiranjeevi: వాల్తేరు వీరయ్య షూటింగ్ అప్ డేట్స్
Chiranjeevi 's Waltair Veerayya: చిరంజీవి, శృతి హాసన్ ఫ్రాన్స్ వెళ్లారు. 2 సాంగ్స్ అక్కడ షూట్ చేస్తారు.
వాల్తేర్ వీరయ్య విమానం ఎక్కాడు. అటు కుటుంబ సభ్యులతో పాటు, ఇటు హీరోయిన్ ను వెంటేసుకొని ఫ్రాన్స్ వెళ్లాడు. ఈ సినిమాకు సంబంధించి చివరి షెడ్యూల్ మొదలైంది.
రేపట్నుంచి ఫ్రాన్స్ లో చిరంజీవి-శృతిహాసన్ మధ్య 2 సాంగ్స్ షూట్ చేస్తారు. ఈ షూటింగ్ లో పాల్గొనేందుకు చిరంజీవి బయల్దేరాడు. అయితే ఒక్కడే వెళ్లలేదు. భార్యతో పాటు తన మనవరాళ్లను కూడా ఫ్రాన్స్ తీసుకెళ్లాడు. అటు శృతిహాసన్ కూడా చిరంజీవితో జాయిన్ అయింది.
ఈ సినిమాకు దేవిశ్రీప్రసాద్ సంగీతం అందించాడు. ఇక ఫ్రాన్స్ లో తీయబోయే పాటల్లో ఒకటి మాస్ సాంగ్ కాగా, రెండోది పూర్తిగా మెలొడీ సాంగ్ అని తెలుస్తోంది. ఈ సినిమాకు సంబంధించి టాకీ పార్ట్ దాదాపు పూర్తయింది. ఈ రెండు పాటల షూట్ తో టోటల్ మూవీ షూట్ కంప్లీట్ అవుతుంది.
బాబి దర్శకత్వంలో తెరకెక్కుతోంది వాల్తేరు వీరయ్య సినిమా. సంక్రాంతి కానుకగా జనవరి 13న ఈ సినిమా థియేటర్లలోకి వస్తోంది.