Chiranjeevi - కథలు వినే పనిలో పడిన చిరు
Chiranjeevi new movies - ప్రస్తుతం భోళాశంకర్ సినిమా చేస్తున్నారు. త్వరలోనే కొత్త సినిమాలు ప్రకటించే యోచనలో ఉన్నారు చిరు.
యంగ్ హీరోలతో సమానంగా బ్యాక్ టు బ్యాక్ సినిమాలు చేస్తున్నారు చిరంజీవి. ఈ వయసులో కూడా రెట్టించిన ఉత్సాహంతో పని చేస్తున్నారు. ఇంకా చెప్పాలంటే, యంగ్ హీరోస్ కూడా చిరంజీవి రేంజ్ లో వర్క్ చేయలేకపోతున్నారు.
ఇప్పటికే వరుసపెట్టి సినిమాల లైనప్ సిద్ధం చేసిన చిరంజీవి, త్వరలోనే మరిన్ని సినిమాలు ప్రకటించబోతున్నారు. ఇందులో భాగంగా ఆయన కథలు వింటున్నారు.
మిత్రన్ దర్శకత్వంలో చిరు ఓ సినిమా చేసే అవకాశం ఉంది. చిరు తనయ సుశ్మిత ఈ సినిమాను నిర్మించే ఛాన్స్ ఉంది. ప్రస్తుతం కథా చర్చలు సాగుతున్నాయి.
ఈ సినిమాతో పాటు.. బింబిసార దర్శకుడు వశిష్ఠ తో కూడా కథాచర్చల్లో ఉన్నారు చిరంజీవి. ఈ కథ కూడా చిరంజీవికి బాగా నచ్చిందనే టాక్ వినిపిస్తోంది. ఈ ఇద్దరు దర్శకులతో పాటు, లిస్ట్ లో పూరి జగన్నాధ్ పేరు కూడా వినిపిస్తోంది.
ప్రస్తుతం భోళాశంకర్ సినిమా పూర్తిచేసే పనిలో ఉన్నారు చిరు. వెంకీ కుడుములతో ఆయన చేయాల్సిన సినిమా ఆగిపోయింది. సో.. భోళాశంకర్ పూర్తయ్యేలోపు కనీసం 2 కొత్త సినిమాలు ప్రకటించాలనేది చిరంజీవి ఆలోచన.