Tyson Naidu | వెరైటీ టైటిల్ తో బెల్లంకొండ
Tyson Naidu - లాంగ్ గ్యాప్ తర్వాత ఓ సినిమా చేస్తున్నాడు బెల్లంకొండ. ఈ సినిమాకు టైసన్ నాయుడు అనే టైటిల్ ఫిక్స్ చేశారు.
హీరో బెల్లంకొండ సాయి శ్రీనివాస్ ప్రస్తుతం సాగర్ చంద్ర దర్శకత్వంలో ఓ యూనిక్ యాక్షన్ ఎంటర్‌టైనర్ చేస్తున్నాడు. కెరీర్ లో బెల్లంకొండకు ఇది పదో సినిమా. ఈ చిత్రాన్ని 14 రీల్స్ ప్లస్ బ్యానర్ నిర్మిస్తోంది. రామ్ ఆచంట, గోపి ఆచంట నిర్మాతలు.
హై బడ్జెట్‌తో రూపొందుతున్న ఈ చిత్రం టైటిల్ ను బెల్లంకొండ శ్రీనివాస్ పుట్టినరోజు సందర్భంగా మేకర్స్ అనౌన్స్ చేశారు. ఈ చిత్రానికి 'టైసన్ నాయుడు' అనే ఇంట్రస్టింగ్ టైటిల్ పెట్టారు. ఈ సినిమా ఫస్ట్ లుక్ అద్భుతంగా ఉంది. బెల్లంకొండ శ్రీనివాస్‌ను బాక్సింగ్ ఎక్స్ పర్ట్, లెజెండ్ మైక్ టైసన్ అభిమానిగా పరిచయం చేసే గ్లింప్స్ ప్రేక్షకులని కట్టిపడేసింది.
బాక్సింగ్ రింగ్‌లో నిలబడి, తనను తాను శక్తివంతుడిగా నిరూపించుకోవడానికి, తాను ఎగురుతూ ఎద్దును కొట్టగలనని గొప్పలు చెప్పుకునే సర్దార్ వాయిస్‌ ఓవర్‌తో గ్లింప్స్ ప్రారంభమవుతుంది. సర్దార్ మాటతో మన హీరో పగలబడి నవ్వి, యాక్షన్ లోకి దిగుతాడు. హీరో డీఎస్పీ (డిప్యూటీ సూపరింటెండెంట్ ఆఫ్ పోలీస్) గా పరిచయం అవుతాడు. బ్యాక్‌గ్రౌండ్‌లో మైక్ టైసన్ మెరుస్తున్న పోస్టర్‌తో అతను బాక్సింగ్ రింగ్‌లోకి ప్రవేశించిన చివరి ఎపిసోడ్ ఆడియన్స్ కు మంచి కిక్ ఇస్తుంది.
గ్లింప్స్ లో బెల్లంకొండ సాయి శ్రీనివాస్ లుక్ బాగుంది. భీమ్స్ సిసిరోలియో బ్యాక్‌గ్రౌండ్ స్కోర్‌ బాగుంది. త్వరలోనే ఈ సినిమాకు సంబంధించి మరిన్ని వివరాలు బయటకు రానున్నాయి.