Shivam Bhaje | అశ్విన్ బాబు కొత్త సినిమా ఫస్ట్ లుక్
Shivam Bhaje Movie - అశ్విన్ బాబు తాజా చిత్రం శివం భజే. ఈ రోజు ఈ సినిమా ఫస్ట్ లుక్ రిలీజ్ చేశారు.
అశ్విన్ బాబు హీరోగా గంగా ఎంటర్టైన్మంట్స్ బ్యానర్ పై మహేశ్వర్ రెడ్డి మూలి నిర్మాణంలో తెరకెక్కుతున్న చిత్రం 'శివం భజే'. ఈ చిత్ర దర్శకుడు అప్సర్. ఇటీవల విడుదలైన టైటిల్ 'శివం భజే' అందరి దృష్టిని ఆకర్షించగా ఈరోజు చిత్రం నుండి హీరో అశ్విన్ బాబు ఫస్ట్ లుక్ విడుదల చేశారు.
ఫస్ట్ లుక్ లో ఒంటి కాలి మీద నిలబడి ఒంటిచేత్తో మనిషిని ఎత్తేసి రౌద్ర రూపంలో కనిపిస్తున్నాడు అశ్విన్ బాబు. అఘోరాలు, త్రిశూలాలు, చీకట్లో కాగడాలు, ఆ వెనక దేవుడి విగ్రహం చూస్తుంటే చిత్రంపై అంచనాలు పెరుగుతున్నాయి. కాస్త మైథలాజికల్ టచ్ ఉన్నట్టు కూడా అనిపిస్తోంది.
బాలీవుడ్ నటుడు అర్బాజ్ ఖాన్, హైపర్ ఆది, సాయి ధీన, మురళీ శర్మ, బ్రహ్మాజీ, తులసి ముఖ్య పాత్రలు పోషిస్తున్న ఈ చిత్రంలో దిగంగనా సూర్యవంశీ హీరోయిన్ గా నటిస్తుంది.
ఒక వైవిధ్యమైన కథతో వస్తోంది శివం భజే సినిమా. న్యూ ఏజ్ సినిమా అంటున్నారు మేకర్స్. ఇటీవల షూటింగ్ పూర్తయింది. ప్రస్తుతం పోస్ట్ ప్రొడక్షన్ వర్క్ నడుస్తోంది.
సాంకేతికంగా, క్వాలిటీ పరంగా ఎక్కడా తగ్గకుండా తెరకెక్కిస్తున్న ఈ చిత్రాన్ని ప్రపంచవ్యప్తంగా జూన్ లో విడుదల చేయడానికి సిద్ధమవుతున్నారు మేకర్స్.