Ashika Ranganadh | ముద్దుగుమ్మకు మరో ఛాన్స్
Ashika Ranganadh - ఆచితూచి సినిమాలు చేస్తోంది ఆషికా రంగనాధ్. తాజాగా ఈ ముద్దుగుమ్మ మరో మూవీకి గ్రీన్ సిగ్నల్ ఇచ్చింది.
ఆకట్టుకునే రూపం ఉంది. అంతకుమించి యాక్టింగ్ టాలెంట్ ఉంది. ఎలాంటి పాత్రనైనా పోషించే సత్తా ఉంది. అయినప్పటికీ ఆశించిన స్థాయిలో అవకాశాలు మాత్రం రావడం లేదు. అషికా రంగనాధ్ మేటర్ ఇది.
ఈ ముద్దుగుమ్మ కెరీర్ ఇప్పుడిప్పుడే ఊపందుకుంటోంది, కానీ క్రేజ్ మాత్రం రావడం లేదు. అమిగోస్ సినిమాతో ఇండస్ట్రీకొచ్చిన ఈ కన్నడ సుందరి, ఆ తర్వాత చాన్నాళ్ల పాటు ఖాళీగా ఉండాల్సి వచ్చింది. ఆ తర్వాత నాగార్జున నటించిన నా సామిరంగ సినిమాలో నటించే అవకాశం అందుకుంది.
ఆ సినిమా సక్సెస్ అవ్వడంతో పాటు, అషికాకు కూడా మంచి పేరు తీసుకొచ్చింది. దీంతో ఏకంగా చిరంజీవి సరసన నటించే అవకాశం అందుకుంది. విశ్వంభరలో అషికా కూడా ఓ హీరోయిన్. ఇలా ఇప్పుడిప్పుడే లైన్ లైట్లోకి వస్తున్న ఈ బ్యూటీ మరో సినిమాకు గ్రీన్ సిగ్నల్ ఇచ్చింది.
హీరో సిద్దార్థ్ సరసన నటించే అవకాశం అందుకుంది. ఈ సినిమాకు 'మిస్ యు' అనే టైటిల్ పెట్టారు. నిజానికి గ్లామర్ రోల్స్ చేయాలనుకుంటే అషియాకు ఈపాటికే అవకాశాలు క్యూ కట్టి ఉండేవి. కానీ గ్లామర్ తో పాటు నటించాడికి ఆస్కారం ఉండే పాత్రలు ఆమె కోరుకుంటోంది. అందుకే అషికా కెరీర్ కాస్త నెమ్మదిగా సాగుతోంది.