Animal Movie | యానిమల్ క్లోజింగ్ కలెక్షన్

రణబీర్ కపూర్ యానిమల్ బాక్సాఫీస్ వద్ద సందడి చేసి అద్భుతమైన కలెక్షన్లను సాధించింది. హిందీ వెర్షన్ ఇండియాలో రూ. 500 కోట్ల నికర వసూళ్లు రాబట్టగా, మిగతా వెర్షన్లు దాదాపు 53 కోట్లు వసూలు చేసింది. ఇతర వెర్షన్లలో 90 శాతం వసూళ్లు తెలుగు నుంచే వచ్చాయి. మొత్తం ఆల్ ఇండియా నెట్ (అన్ని వెర్షన్లు కలిపి) రూ. 553 కోట్లు కాగా.. గ్రాస్ దాదాపు 660 కోట్లు.

ఓవర్సీస్ మార్కెట్‌కి వచ్చేసరికి, గ్రాస్ కలెక్షన్స్ 29.5 మిలియన్ డాలర్లు. అంటే సుమారు రూ.245 కోట్లు అన్నమాట. మొత్తంగా చూసుకుంటే, ప్రపంచవ్యాప్తంగా యానిల్ సినిమాకు వచ్చిన టోటల్ గ్రాస్ రూ. 905 కోట్లు.

ఈ వసూళ్లు షారుక్ ఖాన్ నటించిన జవాన్, పఠాన్‌లతో సమానంగా ఉన్నాయి. షారూక్, రణబీర్ చిత్రాల మధ్య ప్రధాన వ్యత్యాసం ఓవర్సీస్ కలెక్షన్. పఠాన్, జవాన్ రెండూ 45 మిలియన్ డాలర్లు కంటే ఎక్కువ వసూలు చేశాయి. యానిమల్ సినిమా దాదాపు 30 మిలియన్ డాలర్ల వద్ద ఆగింది. ఈ సినిమా 1000 కోట్ల వసూళ్ల సాధించలేకపోవడానికి ఇదే ప్రధాన కారణం.

రష్మిక, బాబీ డియోల్, అనిల్ కపూర్ కీలక పాత్రల్లో నటించిన యానిమాన్ సినిమా, బాలీవుడ్ ఆల్ టైమ్ టాప్-3 హిట్ గా నిలిచింది. ఈ చిత్రం ఇప్పుడు ఓటీటీ స్ట్రీమింగ్‌కు సిద్ధంగా ఉంది. జనవరి 26న నెట్‌ఫ్లిక్స్‌లో అందుబాటులోకి వస్తుంది.