AAY Movie | నితిన్ రెండో సినిమా రెడీ

ఎన్నో సక్సెస్‌ఫుల్ చిత్రాలను అందించిన గీతాఆర్ట్స్2 నుంచి 9వ చిత్రంగా వస్తోంది ‘ఆయ్’. మ్యాడ్ సినిమాతో గుర్తింపు తెచ్చుకున్న నార్నే నితిన్ ఇందులో హీరో. అతడికి ఇది రెండో సినిమా. ఇతడు ఎన్టీఆర్ బామ్మర్ది అనే విషయం తెలిసిందే.

ఆయ్ సినిమాలో నార్నే నితిన్ సరసన నయన్ సారిక హీరోయిన్ గా నటిస్తోంది. అంజి కంచిపల్లి ఈ చిత్రంతో దర్శకుడిగా మారాడు. బన్నీ వాసు, విద్యా కొప్పినీడి ఈ ఫన్ ఎంటర్‌టైనర్‌ను నిర్మిస్తున్నారు.

ఇప్పటికే సినిమా షూటింగ్ పూర్తయ్యింది. పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. రీసెంట్‌గా టైటిల్ రివీల్‌కు సంబంధించిన కాన్సెప్ట్ వీడియో సోషల్ మీడియాలో వైరల్ అవటమే కాకుండా ప్రేక్షకుల నుంచి మంచి రెస్పాన్స్‌ రాబట్టుకుంది. ఈ క్రమంలో మేకర్స్ ‘ఆయ్’ సినిమా ఫస్ట్ లుక్‌ను విడుదల చేశారు. ఫస్ట్ లుక్ పోస్టర్‌ను గమనిస్తే నార్నే నితిన్ తన స్నేహితులతో కనిపిస్తున్నారు. రాజ్ కుమార్ కసిరెడ్డి, అంకిత్ ఇందులో హీరో ఫ్రెండ్స్ పాత్రల్లో నటించారు. మరో వైపు పచ్చదనంతో కూడిన సరస్సుని కూడా చూపిస్తున్నారు. ఈ చిత్రంలో ప్రకృతి కూడా ఓ ప్రముఖ పాత్ర పోషించిందంట.

‘ఆయ్’ అనే టైటిల్‌ను గమనిస్తే ఇది గోదావరి ప్రాంతవాసులు సాధారణంగా వాడే ఓ పదం. ఈ చిత్రాన్ని ఈ వేసవిలోనే విడుదల చేస్తామని నిర్మాతలు ప్రకటించారు. రామ్ మిరియాల ఈ సినిమాకు సంగీతం అందించాడు.