ఎమ్మెల్సీ అభ్యర్థిగా రేపు నాగబాబు నామినేషన్‌

ఆంధ్రప్రదేశ్‌ శాసన మండలి ఎమ్మెల్యే కోటా ఎమ్మెల్సీ అభ్యర్థిగా కొణిదెల నాగబాబు శుక్రవారం నామినేషన్‌ దాఖలు చేయనున్నారు. నామినేషన్‌ పత్రాలపై గురువారం రాత్రే ఆయన సంతకాలు చేశారు. కూటమి పొత్తులో భాగంగా ఒక స్థానం జనసేనకు కేటాయించారు. ఈ సీటు నుంచి నాగబాబు పేరును జనసేన చీఫ్‌, ఏపీ డిప్యూటీ సీఎం పవన్‌ కళ్యాణ్‌ ప్రకటించారు. నాగబాబును తమ కేబినెట్‌ లోకి తీసుకుంటామని ఆ రాష్ట్ర సీఎం చంద్రబాబు నాయుడు ఇదివరకే ప్రకటించారు. ఈక్రమంలోనే ఆయనను శాసన మండలికి పంపుతున్నారు.