అమరావతిలో 500 ఎకరాలు... నిండా మునిగిన స్టార్ హీరో?

ఏపీ సీఎం చంద్రబాబు కలల రాజధాని అమరావతి పేరుతో ఎన్ని దందాలు జరిగాయో వైసీపీ ప్రభుత్వం బయటపెట్టిన సంగతి తెలిసిందే.. చంద్రబాబు అమరావతిని ప్రకటించకముందే లీక్ చేసేయడంతో దాదాపు 4వేల ఎకరాలకు పైగా భూమిని అక్కడ రాజకీయ నేతలు, పారిశ్రామిక వర్గాలు టాలీవుడ్ హీరోలు కొనేశారట.. ఆ లెక్కలన్నీ వైసీపీ ప్రభుత్వం బయటపెడుతోంది.

అయితే చంద్రబాబు అమరావతి రాజధాని లీక్స్ ను అందిపుచ్చుకొని ఓ తెలుగు స్టార్ హీరో తన బినామీలతో కలిసి అక్కడ ఏకంగా 500 ఎకరాల భూములు కొన్నాడట. అక్కడ స్టూడియోతోపాటు ఫిలింసిటీ కడుదామని కోట్లు ఖర్చు పెట్టి కొనేశాడట.

చంద్రబాబు ఆయన అనుయాయుల భూదందా చూసి రాజధానిని జగన్ సర్కారు విశాఖకు మారుస్తున్న సంగతి తెలిసిందే. అంతేకాదు.. ఈ భూదందాపై సీబీఐ విచారణకు రెడీ అవుతోంది.

ఈ నేపథ్యంలో ఇప్పుడు 500 ఎకరాలు కొన్న టాలీవుడ్ స్టార్ హీరో లబోదిబోమంటున్నాడట.. కోట్లు పెట్టి కొన్న భూమి ధర ఇప్పుడు రాజధాని మార్పుతో లక్షలకు పడిపోయిందట. దీంతో నిండా మునిగిన ఆ స్టార్ హీరో ఇప్పుడు జగన్ పై ఆయన ప్రభుత్వంపై కారాలు మిరియాలు నూరుతూ తెగ బాధిపడిపోతున్నట్టు ఫిలింనగర్ లో వార్త చక్కర్లు కొడుతోంది.