28 సార్లు ఢిల్లీకి పోయినవ్‌.. 28 పైసలు కూడా తీస్కరాలే
సీఎం ఢిల్లీ టూర్‌ పై కేటీఆర్ సెటైర్‌
ముఖ్యమంత్రిగా 28 సార్లు ఢిల్లీకి పోయినవ్‌.. 28 పైసలు కూడా తీస్కరాలేదని సీఎం రేవంత్‌ రెడ్డిపై బీఆర్ఎస్ వర్కింగ్‌ ప్రెసిడెంట్‌ కేటీఆర్ 'ఎక్స్‌' వేదికగా విరుచుకుపడ్డారు. ''పెండ్లికి పోతున్నవో.. పేరంటానికి పోతున్నావో.. తెలంగాణ పౌరులుగా ప్రశ్నించడం మా బాధ్యత.. రాజ్యాంగ బద్ధంగా మినహా ఏడాది కాలంలో అదనంగా కేంద్రం నుంచి ఒక్క రూపాయి తెచ్చింది లేదు.. ఈడీ దాడుల నుంచి తప్పించుకోవడానికి ఫైవ్ స్టార్ హోటల్‌లో చీకట్లో కాళ్లు పట్టుకున్నదెవరు.. ఈడీ చేసిన దాడులు గురించి ప్రకటించకుండా ఎవరి కాళ్లు పట్టుకుని తప్పించుకున్నారు.. మీ బడె భాయ్.. చోటే మియాల వ్యవహారం ఎవరికి తెలియదు పిట్టలదొరా? పోరాటం మా తెలంగాణ రక్తంలో ఉంది.. మేము నీలా ఎన్నడూ ఢిల్లీ గులాములం కాదు.. పదవుల కోసం పెదవులు మూసుకున్న చరిత్ర నీది.. కొట్లాడి తెచ్చిన తెలంగాణను తెర్లు చేయాలని ప్రయత్నించి పట్టుబడిన ఓటుకు నోటు చరిత్ర నీది.. మా జెండా మా ఎజెండా ఎన్నటికీ తెలంగాణ అభివృద్ధి మాత్రమే..'' అని పేర్కొన్నారు.