కోలీవుడ్ పై మనసు పారేసుకున్న బన్నీ
త్రివిక్రమ్ దర్శకత్వంలో ఓ సినిమా చేస్తున్నాడు. త్వరలోనే సుకుమార్ దర్శకత్వంలో మరో సినిమా చేయబోతున్నాడు. మరోవైపు దిల్ రాజు బ్యానర్ లో ఇంకో సినిమా ఉండనే ఉంది. తెలుగులో ఇన్ని సినిమాలు చేస్తున్నప్పటికీ బన్నీ మనసు మాత్రం ఇక్కడ లేదు. ఎన్నాళ్ల నుంచో కోలీవుడ్ లో అడుగుపెట్టాలని చూస్తున్న అల్లు అర్జున్.. ఇప్పుడు మరోసారి ఆ దిశగా అడుగులు వేస్తున్నాడు. ఓవైపు తెలుగులో 3 సినిమాలు చేస్తూనే, ఇప్పుడు తమిళనాట మురుగదాస్ తో చర్చలకు రెడీ అవుతున్నాడు […]
త్రివిక్రమ్ దర్శకత్వంలో ఓ సినిమా చేస్తున్నాడు. త్వరలోనే సుకుమార్ దర్శకత్వంలో మరో సినిమా చేయబోతున్నాడు. మరోవైపు దిల్ రాజు బ్యానర్ లో ఇంకో సినిమా ఉండనే ఉంది. తెలుగులో ఇన్ని సినిమాలు చేస్తున్నప్పటికీ బన్నీ మనసు మాత్రం ఇక్కడ లేదు. ఎన్నాళ్ల నుంచో కోలీవుడ్ లో అడుగుపెట్టాలని చూస్తున్న అల్లు అర్జున్.. ఇప్పుడు మరోసారి ఆ దిశగా అడుగులు వేస్తున్నాడు.
ఓవైపు తెలుగులో 3 సినిమాలు చేస్తూనే, ఇప్పుడు తమిళనాట మురుగదాస్ తో చర్చలకు రెడీ అవుతున్నాడు అల్లు అర్జున్. కథ సెట్ అయితే.. తెలుగు-తమిళ భాషల్లో ఓ సినిమా చేయాలనేది బన్నీ ప్లాన్. నిజానికి బన్నీకి ఈ కోరిక ఇప్పటిది కాదు. గతంలోనే లింగుస్వామి దర్శకత్వంలో స్టుడియో గ్రీన్ బ్యానర్ పై తెలుగు-తమిళ భాషల్లో ఓ బైలింగ్వల్ ప్లాన్ చేశాడు. కానీ అది వర్కవుట్ కాలేదు. మళ్లీ ఇన్నాళ్లకు మురుగదాస్ తో చర్చలకు రెడీ అవుతున్నాడు.
ప్రస్తుతం రజనీకాంత్ సినిమాతో మురుగదాస్ బిజీగా ఉన్నాడు. దర్బార్ సినిమాను సంక్రాంతికి రెడీ చేస్తున్నాడు. అయినప్పటికీ బన్నీ కోసం ఆయన హైదరాబాద్ వస్తున్నాడు. ఓ రోజంతా బన్నీతో చర్చలు జరిపి తిరిగి వెళ్లిపోతాడు. ఒకవేళ స్టోరీ ఓకే అయితే.. దిల్ రాజు నిర్మాణంలో చేయాల్సిన ఐకాన్ సినిమా వెనక్కి వెళ్లే అవకాశం ఉంది.