మళ్లీ వంశీ తో.... మహేష్ బాబు ?

‘మహర్షి’ సినిమా కేవలం సూపర్ స్టార్ మహేష్ బాబు కి మాత్రమే కాకుండా తన అభిమానులకు కూడా మర్చిపోలేని సినిమా. బ్లాక్ బస్టర్ కాకపోయినా…. మామూలు హిట్ అందుకున్నప్పటికీ మహేష్ బాబు కెరీర్లో 25వ సినిమా కాబట్టి అభిమానులకు ‘మహర్షి’ ఎప్పటికీ స్పెషల్ అని చెప్పవచ్చు.

అయితే కేవలం ఇదొక్కటే కాకుండా ‘మహర్షి’ సినిమా సమయంలోనే వంశీ పైడిపల్లి దర్శకత్వం స్టైల్ మహేష్ బాబు కి బాగా నచ్చిందట. సినిమా కూడా హిట్ అవడంతో మహేష్ బాబు మళ్లీ వంశీ పైడిపల్లి దర్శకత్వంలో ఒక సినిమా చేయడానికి ప్రయత్నిస్తున్నట్లు తెలుస్తోంది.

మహేష్ బాబు ప్రస్తుతం అనిల్ రావిపూడి దర్శకత్వంలో ‘సరిలేరు నీకెవ్వరు’ సినిమా షూటింగ్ తో బిజీగా ఉన్న సంగతి తెలిసిందే.

రష్మిక మందన్న హీరోయిన్ గా నటిస్తున్న ఈ సినిమాలో విజయశాంతి కీలక పాత్ర పోషిస్తున్నారు. ఆర్మీ మేజర్ గా మహేష్ బాబు ఈ సినిమాలో సరికొత్త అవతారంలో కనిపించబోతున్నారు.

అయితే ఈ సినిమా పూర్తయిన తర్వాత మహేష్ బాబు మళ్లీ వంశీ పైడిపల్లి దర్శకత్వంలో ఒక సినిమా చేయబోతున్నట్లు తెలుస్తోంది.

‘మహర్షి’ సినిమాని నిర్మించిన దిల్ రాజు ఈ సినిమాని కూడా బాలీవుడ్ నిర్మాణ సంస్థ సోనీ పిక్చర్స్ తో కలిసి నిర్మించనున్నట్లు తెలుస్తోంది. అయితే ఈ సినిమా గురించి అధికారిక ప్రకటన మాత్రం ఇంకా వెలువడాల్సి ఉంది.