సైమా లో సందడి చేయనున్న చిరంజీవి, మోహన్ లాల్

దక్షిణ భారత చలన చిత్ర పరిశ్రమ లో ని నాలుగు భాషల్లోని ప్రతిభ గల నటుల్ని, టెక్నీషియన్ల ని గుర్తించి వారికి అవార్డ్స్ ఇస్తూ వస్తుంది సైమా.

2012 లో మొదలైన ఈ సైమా ఉత్సవం ఈ సారి 2019 లో కతార్ లో జరగనుంది. ఆగస్టు 15, 16 తేదీలలో ఈ అవార్డ్స్ ఈవెంట్ ఘనం గా జరగనుంది.

అయితే ఈ అవార్డ్స్ ఈవెంట్ కి సంబంధించి ఇప్పటికే పోల్స్ ప్రారంభం అయ్యాయి. ఈవెంట్ కి సంబందించిన ప్రమోషన్స్ కూడా ఘనం గా జరుగుతున్నాయి… అయితే ఈ సారి ఈవెంట్ కి సంబంధించి ఒక ఆసక్తికర ప్రకటన చేసింది సైమా టీమ్.

15 వ తేదీ న తెలుగు మరియు కన్నడ సినిమా ప్రముఖుల్ని సత్కరిస్తున్నట్టు, ఆ రోజుకి గెస్ట్ ఆఫ్ హానర్ కింద మెగా స్టార్ చిరంజీవి ని ఆహ్వానించారట.

అలాగే 16 వ తేదీ న మలయాళ మరియు కన్నడ సినిమా ప్రముఖుల్ని సత్కరిస్తున్నట్టు, ఆ రోజుకి గెస్ట్ ఆఫ్ హానర్ కింద మోహన్ లాల్ ని ఆహ్వానించారట. ఇద్దరినీ సైమా స్టేజ్ మీద సైమా ఘనంగా సత్కరించనుంది కూడా.

ఈ అవార్డ్స్ ఈవెంట్ కి సంబంధించి మిగిలిన వివరాలు త్వరలో తెలియనున్నాయి.