విమర్శకుల నోళ్లు మూయించిన దేవరకొండ

గత కొంత కాలం గా మీడియా లో…. విజయ్ దేవరకొండ నటిస్తున్న డియర్ కామ్రేడ్ సినిమా నుంచి దర్శకుడు భరత్ కమ్మ వైదొలుగుతున్నాడు అనే వార్తలు వచ్చాయి. విజయ్ కి భరత్ కి మధ్య విభేదాలు రావడం తో భరత్ ఈ సినిమా నుండి బయటకు రావాలని అనుకున్నట్లు వార్తలు వచ్చాయి. అయితే అటు దర్శకుడు కానీ, ఇటు విజయ్ కానీ, లేదా నిర్మాణ సంస్థ కానీ, ఎవరూ ఈ విషయం పైన స్పందించలేదు.

నిన్న ప్రమోషన్స్ సందర్భం గా విజయ్ ఒక వీడియో విడుదల చేసాడు. ఇప్పటికే ప్రమోషన్స్ విషయంలో దూసుకుపోతున్న టీం…. ఈ సినిమా పై బజ్ ని మరింత గా పెంచేందుకు విజయ్ దేవరకొండ కాంటీన్ సాంగ్ విడుదల కానుంది అని ప్రకటన చేస్తున్న సందర్భం లో ఈ పోస్ట్ ని పెట్టాడు.

అందులో ఈ సినిమా దర్శకుడు, ఛాయాగ్రాహకుడు, సంగీత దర్శకుడు మరియు నటుల తో కలిసి విజయ్ తర్వాత పాట గురించి చర్చించాడు.

ఈ వీడియో ద్వారా సైలెంట్ గా విజయ్ విమర్శకుల నోళ్లు మూయించినట్టే అనుకోవాలి. ఎందుకంటే ఈ వీడియో లో దర్శకుడు భరత్ ఫుల్ జోష్ గా కనిపిస్తూ ఉన్నాడు. విజయ్ కి దర్శకుడి మధ్య అంతా బాగానే ఉంది అనే సంకేతం ఈ వీడియో ద్వారా విజయ్ ఇచ్చినట్టే అనుకోవచ్చు. ఈ సినిమా వచ్చే నెల విడుదల కానుంది.