జగన్ కూల్ కూల్ గా.... కాన్ఫిడెంట్ గా!

ఎన్నికల పోలింగ్ ముగిసి ఇప్పటికే ఇరవై రోజులు దాటిపోయాయి. మరో ఇరవై రోజుల్లో ఫలితాలు రాబోతూ ఉన్నాయి. ఇలాంటి పరిస్థితుల్లో రాజకీయం ఇంకా వాడీ వేడిగానే ఉంది. ఆల్రెడీ పోలింగ్ ముగిసింది. ప్రజా తీర్పు ఈవీఎంలలో నిక్షిప్తం అయిపోయింది. అయినా.. రాజకీయ వేడి చల్లారలేదు. ఫలితాలు ఎలా ఉంటాయో.. అనే సందేహాలు రాజకీయాన్ని చల్లారనివ్వడం లేదు!

సామాన్యజనం కూడా ఎన్నికల ఫలితాలు ఎలా ఉంటాయనే దానిపై చర్చించుకుంటున్నారు. ఈ ఫలితాల గురించి చర్చలు, వాదోపవాదాలు, బెట్టింగులు.. అంతటా సాగుతూ ఉన్నాయి.

ఇలాంటి సమయంలో వైఎస్సార్ కాంగ్రెస్ పార్టీ అధినేత జగన్ మోహన్ రెడ్డి తీరు మరింత ఆసక్తిదాయకంగా ఉంది. జగన్ చాలా కూల్ గా కనిపిస్తూ ఉన్నారు.

ఫలితాల విషయంలో జగన్ ఏ మాత్రం టెన్షన్ పడటం లేదు. అసలు ఫలితాల గురించి జగన్ మాట్లాడటమే లేదు! పోలింగ్ ముగిసిన తర్వాత ఫస్ట్ ప్రెస్ ముందుకు వచ్చారు. తమ పార్టీకి ల్యాండ్ స్లైడ్ విక్టరీ దక్కుతుందని జగన్ కాన్ఫిడెంట్ గా చెప్పి వెళ్లారు. అంతే మళ్లీ జగన్ ఫలితాల గురించి ఎలాంటి కామెంట్ చేయలేదు!

తను పార్టీ నేతలతో ఏదో ఒక కామెంట్ చేసి దాన్ని లీక్ గా మీడియాకు కూడా చేరవేయలేదు. పోలింగ్ పూర్తి అయ్యింది కాబట్టి.. ఇక టెన్షన్ పడాల్సింది ఏమీ లేదన్నట్టుగా జగన్ కామ్ గా ఉన్నారు.

ఫ్యామిలీతో టూర్ వేశారు. ఇక తాజాగా ఫ్యామిలీతో కలిసి సినిమాను కూడా చూశారు!

ఇలా జగన్ కూల్..కూల్.. గా కనిపిస్తూ ఉన్నారు. ఇదంతా వైఎస్సార్ కాంగ్రెస్ పార్టీ అధినేతకు విజయం మీద ధీమా అనే పరిశీకులు అంచనా వేస్తూ ఉన్నారు. విజయం ఖాయమనే ఆత్మవిశ్వాసంతోనే జగన్ ఇలా కనిపిస్తున్నారనే అభిప్రాయాలు వినిపిస్తూ ఉన్నాయి.